SOGO論壇

標題: 紅番薯 [列印本頁]

作者: 絕對官僚 時間: 2011-3-25 01:54:10 標題: 紅番薯

紅番薯
______獻給阿爸

紅番薯的皮是紅色的,
　肉是黃色的.
阿爸上愛呷番薯籤飯.
伊常常咧講:「日本時代
住在庄腳,
三頓攏是呷番薯飯,
配番薯湯,
連菜嘛是孤單一味番薯葉。
若是抵到空襲,
你阿媽就帶阮匿在黯矇矇的
防空壕。大家圍作伙，
嚙青番薯。」
阿爸講到這，目目+周親像在放光：
「番薯真是咱田庄人的護身符，
若無番薯，這濟艱苦人
日子不知要安怎過？」
我知道：無論土質好歹，
無論透風落雨，
番薯一湠就是一大片。
但是番薯太粗俗，賣無好價錢。
我實在不了解，
阿爸為啥麼不種芎蕉和檳榔？
每一次，問阿爸，
阿爸攏是笑咪咪，不講話。
後來，我擔簸箕去卻番薯，
發現阿爸看番薯的眼神，
和看我的眼神，一模一樣。
我才恍然大悟：原來，
紅皮黃肉的番薯內，
藏了阿爸二、三十年的青春。

文出：古雅台語人

歡迎光臨 SOGO論壇 (https://oursogo.com/)