SOGO論壇

標題: 人為財死，鳥為食亡(閩南語版本) [列印本頁]

作者: 丸の小羽 時間: 2015-5-13 11:24:49 標題: 人為財死，鳥為食亡(閩南語版本)

講一個員外好額人啦，企算講做一個宰相，啊員外啊好額人，彼錢成有夠濟，

彩人去共借都有啦，有還亦好，無還亦好安呢生啦呼。

呼啊當有抵tshian 7彼莊的，有一個卜過省分卜去外國，

幹若咱今也卜來大陸安呢的意思，講卜過省分彳亍啦呼。

啊想講：「好哦，來共彼員外借五百兩銀。」卜過省分啦，呼。

得卜過省分，五百兩銀毋是像今也講一張一千的哦，

彼五百兩銀是較早彼龍仔銀一百兩六斤四的哦。

啊伊飼一隻驢仔，卜過省分就叫彼隻驢仔共背啊，共背。

彼隻驢仔共背，背到企算講，親像共背到號做的時啊，到中途，才毋共背啦，

彼驢仔煞反面，若干若彼隻牛翻軻車，煞毋共背啦。

啊彼隻驢仔煞會講話呢，伊講：「驢仔、驢仔，你安呢，

你從頭一個若毋共我拖、毋共我背，你從頭仔就，啊看你若共我拖來到這，

共我拖來到這中途，啊你才毋共我背安呢是安怎？」啊彼隻驢仔煞會講話啦，

講：「我前世共你借三管米啦，共你借三升米啦呼，啊我今也共你拖三千里，

啊擱算前世共你借三升米啦，啊我今也共你拖三千里已經我債還你到彼囉安呢生啦。」

啊這個卜過省分這個人煞講：「hoo 2～，少許仔共借一個三升米，

啊共我拖呰遠拖三千里，啊看看共阮莊e 0員外借彼五百兩銀我後擺卜來還伊會當了？

寧可無幹，無幹挃，無愛挃。我今也來到這欉榕腳，到遮歇睏，呼，

這的錢共掞佇遮，呀人若去拾去提，後日才去還阮莊的彼個、彼個員外彼好額人。」

伊想著講看少許仔一個三升米就擱出世驢仔來共拖三千裡囉安呢，驚著，伊無愛挃啊。

啊無愛挃抵三個趁食人啦，可比講咱三個卜來割稻仔，抑是卜來燒火炭安呢，

呼，行到彼講，看著講：「哦～，這五百兩金爍爍，咱若是五百兩銀，

咱若是三仔三十一，來分，麼成好勢啊。」你亦想心肝，我亦想心肝，

我亦想心肝，我今也先反姦啦。人講拾著錢講著愛拜土地公哦，呼，

「我來！」伊講：「好哦！」啊今也您二個毋就講：「好哦！」hoo 2你去買哦，

去買一個牲禮來拜。」啊去，去買，伊就彼豬肉囉，佇菜市仔煠煠咧囉，

二三塊仔豆干囉，買寡金紙，彼的會食的物攏共挱毒藥落，攏共挱毒藥落，

因為我卜毒殺您二個就著啦呼。啊您二個就想講卜來毒殺我囉毋，

今也若若先點香得拜囉，予伊先拜，咱來到te 3對頷頸共掟死，

啊咱二個就三仔三十一，呼一人二仔五兩呼。啊當毋就啥人去菜市仔去買來囉毋，

啊就得拜，啊親像我創毒藥卜毒死您二個，我已經予您捏死囉，

啊您二個毋知影講彼牲禮就是有挱毒藥落毋，啊您食，三個結果三個攏得無著攏死啦。

啊死啊彼號四界曠野彼鳥隻來食，含鳥隻麼死。

啊死啊死三個人佇彼擱再曠野鳥隻死成濟，啊抵有一廳官對彼過，

看看e 0講：「哦～，啊這，就是彼曠野彼鳥隻會赫爾濟。」啊路尾呼，

看安呢生，彼廳官才共伊題詩啦，題講：「人為財死，鳥為食亡。」

歡迎光臨 SOGO論壇 (https://oursogo.com/)