SOGO論壇

標題: 鹿角予狗哥(閩南語版本) [列印本頁]

作者: 丸の小羽 時間: 2015-5-13 11:28:28 標題: 鹿角予狗哥(閩南語版本)

以前咱這個生肖啦呼，親像咱這雞啦呼，狗啦，猶擱這個鹿仔啦，這三項就著啦。

算講這個生肖，這三項攏足相好的，啊就攏去彳亍。

啊去彳亍的時間呼，幹若講逐項去彳亍啊足和的。

啊較早這個狗呼，是有二支角，啊這個鹿仔是無角安呢。

啊這個鹿仔定定共這個狗仔講：「你這二支角呰爾水，啊提來借我鬥。」

伊講：「無可能。」伊就無愛借伊。啊這隻雞仔就乾講較雞婆，伊就講來共做一個中人，

講：「借伊啦，借伊啦，你借伊無要緊。借伊，伊就會擱還你…… 」，安呢就著。

啊這隻狗就聽雞得講：「你叫我借伊，好，安呢我借伊。」安呢。

一下這個鹿仔共伊這個角提來鬥起哩，煞變做成水哩，自安呢毋予伊。

啊毋予伊，狗仔就成怨恨這隻鹿仔，擱一個怨恨就是尚怨恨這隻雞仔，

「這個雞婆，你若安呢共我講，我就借伊。」

啊三隻攏… …，本來成和好咧，啊變三隻攏足觸，足安呢冤啊。

啊幹若今也一人攏一國。你看彼雞仔、狗仔、鹿仔攏成愛冤。

啊這個雞若得啼的時陣呼，伊就講：「鹿角予狗哥。」

叫伊鹿角著愛予狗哥安呢就著啦。

歡迎光臨 SOGO論壇 (https://oursogo.com/)