SOGO論壇

標題: 鳳山市閩南語故事--狀元學生 [列印本頁]

作者: 丸の小羽 時間: 2015-5-14 09:13:05 標題: 鳳山市閩南語故事--狀元學生

這个狀元學生有一日合老師呼，得卜去遠足，啊經過街面，老師就得講啦，

講：「東爿有當店，西牆麼有當店。」啊伊就自彼个話講號做：

「東當店，西當店，東西當店當東西。」啊這个狀元學生隨時就共回答講：

「老師啊，我，春讀書，秋讀書，春秋讀書讀春秋。」呼啊這就平仄例共款就著啦，安呢去。

啊卜去考校，考到一个安呢，已經過彼个一个橋就這个號做城內啊啦，啊彼个中間，

橋頂一个小姐呼，伊攏住大厝是佇橋下彼个所在啦，老父作宰相首相就著啦呼，

啊攏足無閒國事，啊所以呢，彼个千金小姐的婚事的代誌攏毋捌共講起。

啊伊小姐這內，逐早攏真早就起來彼个橋頂，起來橋頂就是得看有啥物考試期若到，

看有啥物較優秀的年青才俊的、這个青年呼，對遐過無，若有伊會合伊講一下話，

猶會作一个詩對予對。啊有一日呼，載時真早起來，啊就合ca9仔去彼个橋頂，

就佇得調查看，啊得斟酌看有人得卜去考校無。啊有彼个時陣，一个考生抵去到遐，

伊就講：「你卜去考校？」啊伊看伊哦～這个un5 na2真飄撇的青年才俊的人，

伊就共講：「啊你卜去考校，你現在有安若拍算？」伊講：「無啊，有啥物拍算？」

啊伊就共講：「安呢你卜去考校，我出一个詩對予你臆若會著，

我相信你這次你考咧真順序安呢啦。」啊就共作，伊講：「好啊！」

伊共作講：「鞋頭繡菊朝朝凍露蕊不開。」伊講我鞋頭繡一蕊紙花—古早就無皮鞋，

攏麼布織的—號做「鞋頭繡菊朝朝棟露蕊不開」。

啊伊這个年青才俊的人，煞一下手安呢：「哦～，你講赫彼號安呢。」

煞曉共臆啦，曉共答就著啦。啊［小姐］就共講：「你曉答麼無要緊！

你去考，啊不過你愛會記li0我這句話安呢，啊你就共會記li0。」

啊去到考試場的時，有考到逐項考，考到一个答詞的時，彼个［小姐］的老父做考官啦，

赫抵好抵來講安呢講赫濟个考生攏考過，啊就咧卜晝啊咧，啊實在無啥物較好的言詞來對答啥，

伊想講：「好noo3！」葵扇得拽，看著彼支葵扇，葵扇的內面啊，永過的葵扇是，毋是用合的彼，

一支葵扇安呢攏彼號，啊晝一支梅仔椏啦，梅仔的椏啦呼，

啊安呢伊拽拽咧煞佇彼：「e5～啊那會干仔畫安呢爾，亦無啥。」啊伊就共講，

講號做：「扇面畫梅，日日搖風枝不動。」彼支振動啦，呼，伊是安若彼个振動安呢就著啦，

啊就畫梅仔椏畫佇這个扇面就著，你較用麼振動。啊抵抵這个考生自安呢共回答，照彼號查某子，

麼毋知講查某子來共回答講，伊共講：「扇面畫梅，日日搖風枝不動。」

伊共講：「鞋頭繡菊，朝朝凍露蕊不開。」彼蕊攏無得開。鞋頭繡菊彼古早人鞋攏麼用繡的，

彼个鞋頭繡一蕊菊仔花，若講早時予凍露那會開？伊就用繡的咧。

伊共老父得講的這个意思就是講扇面畫梅，畫一枝梅仔椏啦，日日啦，日日搖風，彼枝振動，

彼枝就停停咧，安呢意思。彼是講落到te3安呢著愛知影這个內情啊啦。hoo2～啊彼个考試生爾，

煞得著狀元，啊彼个時陣才知影講，號做彼个［小姐］得講這个話的意思才知影安呢，啊un1 na1做狀元啊。

啊講老父安呢彼號，就卜結這个親成、這个婚姻安呢，名利攏兩得啦，攏總有得著，

這个時候呼，會使講得著彼个好的機會啦，名利攏總有得著。

歡迎光臨 SOGO論壇 (https://oursogo.com/)