SOGO論壇

標題: 鳳山市閩南語故事--人之初，性本善 [列印本頁]

作者: 丸の小羽 時間: 2015-5-15 09:09:54 標題: 鳳山市閩南語故事--人之初，性本善

我十三歲的時，人講這個故事予我聽，實在做著成，成做，是幾句仔爾，啊是講真啦。

彼個老父講，叫彼個囝仔去讀冊，囝仔講：「我見去讀，入去讀，隨予先生共我摃，我無愛讀。」

老父講：「你毋通哦，別日仔會做乞食呢。」講：「乞食就乞食，呔有法度啊！」

差不多成禮拜，無去予教。較早讀彼暗學仔，毋是公學校，讀暗學仔。

較早攏讀彼「人之初」啊。老父講：「你冊挈來我教你。」

講：「啊卜教我安若？」「這字『人』字，記，蚵仔寮仁嬸仔你捌毋？」

「捌啦！蚵仔寮仁嬸仔俺的親成我那會毋捌蚵仔寮仁嬸仔？」

「這字『人』字記，記蚵仔寮仁嬸仔，知毋知？」「好啦，啊我知啦。

蚵仔寮仁嬸仔俺的親成我那會毋知？」「啊這字『之』咧，你常得諎，

『您娘姕』的姕，『您娘姕毴』的姕煞曉？」「啊彼我常常得諎的，彼我會曉e 0啦！」

「啊這字『初』咧？初就『人的粗皮』的粗啦，知毋知？」

講：「啊～安呢我知！『人』是蚵仔寮仁嬸仔，『之』是這查某囝仔彼姕毴的姕，

啊『初』是粗皮的粗。」「啊『性』，俺頭前就得企司公勝你煞無捌伊？」

「捌啊！頭前就司公勝我捌伊啊！」「啊『本』咧，『本』就俺人的本身啦。

啊『善』就脬大細腎亦啦。」啊彼個囝仔講：「幹您娘！啊『善』你、阮老父教我好勢好勢，

啊先生常常共我摃。」明仔載冊負咧就去讀冊啊。

先生講：「你幾偌日無來啊，那會今仔擱來啊？」

「阮老父教我，我昨暝就背起來啊。」「起來讀看覓咧，安若共讀呢？」

講：「蚵仔寮仁嬸仔姕毴粗粗啦，啊司公勝仔本身脬大細腎就佇遐。」

歡迎光臨 SOGO論壇 (https://oursogo.com/)