SOGO論壇

標題: 怪奇的獨角牛 [列印本頁]

作者: 不曬月亮的魚 時間: 2016-7-8 14:14:59 標題: 怪奇的獨角牛

古早有三个好朋友，一个叫臭頭旺仔、一个叫流鼻富仔、另外一个是財仔。

臭頭旺仔因為臭頭的關係定定頭殼癢，規工就是佇抓伊的臭頭仔痞，流鼻富仔青在鼻水嗊嗊流，

一工到暗就是佇醒鼻，財仔是毋管時就身軀癢佫雙手哠哠抓，三人時常鬥陣開講，雖然感情袂，

但是攏足凍霜的，毋捌相請過。

有一工，三人相招欲去市內予人請，因感覺若是佇酒桌上，抓身軀、摸頭殼、醒鼻膏，會予人笑是庄跤倯兼無衛生，

所以三個人就佇半路相輸，稍等咧酒桌上，袂使有這兮歹看的動作，若是輸的人，隔工就愛出錢辦桌請人，

人講：「予人請較贏食家己，免洗碗筷擱免開錢」三人心內攏無欲認輸。

因真緊就來到酒宴中，那食那開講，前半段攏安然無事誌，但是、燒酒落喉，身軀煞反燒，

臭頭旺仔的臭粒仔痞開始一直癢起來，流鼻富仔的鼻水嘛強強欲流到嘴頂，

財仔身軀嘛一簇一簇開始癢起來矣！

三人已經強欲擋袂牢矣，擱攏不認輸出錢請人。

這個時陣、臭頭旺仔就想一个辦法，伊馬上站起來講：各位好朋友，我來講一故事予恁聽，

有一工我去山拍獵兮時，行到一个無人所到兮深山林內，看到一隻獨角牛，彼隻獨角牛生做足怪奇矣！

佮人攏無仝款，遮一支角、遮嘛一支角（動作需誇張且比出來）遮擱一支角！規粒頭殼攏總是角。

即兮時陣，流鼻富仔搶到機會，趕緊站起來落講：對！對！對！我做證！我做證！

彼工我嘛有同儕去，彼隻獨角牛，真正是足怪奇矣！我馬上夯一支弓箭，相予準！準！準！弓箭共扭過來（動作需誇張比出來）

咻！一聲射出去！穩觸觸＝＝＝蠔仔入牛角，一箭射到彼隻獨角牛的身軀。

財仔，也已經規身軀癢佫擋袂牢了，人講；『輸人不輸陣、輸陣就歹看面』

伊趕緊站起來搶落講：有！有！有！我有看見、我有看見，流鼻富仔的箭法實在有夠準啦，

彼隻獨角牛，予伊射一下，遮一孔、遮一孔、遮嘛一孔（動作需比出來）遮擱一孔，規身軀全全是孔。

三人故事講煞，擱繼續坐落來食酒菜，這兮故事干旦因三个人聽有爾，其他兮人實在是霧煞煞、花搞搞聽攏無。

作者: linlin0685 時間: 2016-8-20 09:50:36

遮一孔、遮一孔、遮嘛一孔遮擱一孔，規身軀全全是孔。.... 呵呵呵

這篇故事文章的台語用字念法逗趣意思易懂
這種規格的字我比較喜歡而且有趣味喔~

歡迎光臨 SOGO論壇 (https://oursogo.com/)