五月節係民俗節慶三大節之一，該粽子更係五月節必備个食品。包粽子主要材料係「竹殼」，做得講係非常重要摎不可或缺少。
適早期每每到五月節前半個月開始，戴在鄉下或山肚婦人家，就會到桂竹林肚，撿已經成熟跌（died8）落地項竹殼，在外行人看來，竹殼並毋係麼看得起眼東西，旦係對於這兜婦人家來講，這卻係賺「外水」大好機會，佢兜摎竹殼撿轉來以後，為著防止生烏鈣（發霉），愛先拿出去曬日頭，曬燥以後，還愛先擇竹殼，忒短、有畢痕或者忒多烏點，就愛擇出來宨（tiau2）忒（丟掉）。
接下來就愛開始像相片中婦人家「捲竹殼」。毋好小看這簡單動作，事實上係有技術，那係技術不好，捲出來竹殼裂忒，太小垤或者不罅光滑整齊，賣相就差，賣相差當然價數就毋好，那係技術當好，所捲出來竹殼又大垤，又光滑整齊，所賣價錢自然就好高囉！