SOGO論壇

標題: 一理通，百理同。 [列印本頁]

作者: 草薰風 時間: 2011-2-5 08:43:23 標題: 一理通，百理同。

一理通，百理同。

即句俗語強調世間的道理攏有伊的共同性，所以學習物件的時，愛有方法，掌握著要領，若安爾著會當「聽話頭，知話尾」。孔子公講：「吾道一以貫之」，著(tioh4)是咧強調任何道理攏有伊的基本源頭。

目前是一個(e7)資訊的社會，即款社會的特色是資料滿四界，所以有人講：「這是一個知識爆炸的時代」，咱唯(ui7)圖書館的所在、網路的頂懸(koaN5)著會充份理解即種的現象。所以佇資訊社會，咱所需要的是揣(chhoe7)資料的方法，理解資料的訣頭。若無，會揣甲怦怦(pheN7)喘，甚至讀一寡有空無榫(sun2)的物件。唔拘，一切的訣頭佮要領，攏佇基礎的原理、譬如電腦遐(hia2)神奇複雜的物件，伊的基本原理嘛是唯「○佮１」二進位數發展出來的，所以凡事只要基本的原理甲釘落根，自然著「一理通，百理同」囉。

參即句俗語相關的：

一理通，萬理徹。
聽話頭，知話尾。
有理走遍天下，無理寸步難行。
　

〔註〕(國語文)

台語的語音是雙聲道，分別有「讀書音」與「白話音」。原本「讀書音」是讀古書時用的音，保留了唐朝的官話。「白話音」則是平時口語交談用的音。但是經過長時間的演變，目前的口語交談卻也自然使用不少讀書音，稱之為「文白濫」。但這些都是約定俗成，不可任意自行發音。如本句「一理通，百理同」；「近朱者赤(chhek4)，近墨者黑(hek4)。」皆須用讀書音來唸。

「一」：it4是讀書音，讀台語音「乙」；chit8白話音，讀台語音「職」第８調。
「百」：pek4是讀書音，讀台語音「迫」； pah4是白話音，讀台語音「叭」。

歡迎光臨 SOGO論壇 (https://oursogo.com/)