SOGO論壇

標題: 月光微微 [列印本頁]

作者: LION000 時間: 2011-2-5 22:11:36 標題: 月光微微

月光微微

月仔光微微，遇著賊仔要偷掠(ㄌㄧㄚˋ)豬；掠去七、八隻，
順續(ㄙㄨㄚˋ)要偷挖(ㄛˋ)壁；挖去鴨蛋長，鴨蛋長，鴨蛋闊，
掠去豬仔子百外隻；不湯(ㄊㄤ)黑白講，到底啥人看？青盲的看！
啥人喊(ㄏㄨㄚˋ)？啞口的喊！啥人聽？臭耳人的聽！
啥人掠？癱(ㄎㄨㄟˊ)手的掠！捨人追？跛(ㄅㄞˋ)腳的追！
追到無水橋仔頭，跋(ㄅㄨㄚ)一倒，撿著一仙錢，青盲的一看到，
啞口的就喊掠，臭耳人的聽著聲，跛腳的走去追，癱手的走去掠，
這(ㄐㄧㄚ)掠、彼(ㄏㄧㄚ)掠、掠昧著，青盲的目睭青見見，
臭耳人的耳孔輕，癱手的打拳頭，氣到跛腳的雙腳掃，
啞口的嗎(ㄇㄚ)嗎哭，順大聲喊，青肓的看昧爽，啞口的講，
講啥貨？講天講地，講高講低，講戽(ㄏㄛˋ)杓(ㄏㄧㄚ)，
講飯籬(ㄌㄟ)，講這講彼，講彼講這，
講你落(ㄌㄠˋ)下(ㄝˇ)顎(ㄏㄞˊ)，
落下顎，就落下顎，哈哈哈，哈哈哈!

歡迎光臨 SOGO論壇 (https://oursogo.com/)