床 母

草薰風

床  母


   古早古早，天頂有一個囡仔仙童。即個仙童足狡怪，佫(koh4)足愛耍(sng2)的，規日拋拋走(pha1 pha1 cau2)；伊上愛食雞卵，定定走出去共人偷食雞卵喔！
     天頂有一個註生娘娘，咱凡間一對翁仔某卜生幾個囡仔，卜生查甫抑是生查某，攏是註生娘娘咧安排。註生娘娘生做誠大箍(khoo1)，因為伊嘛愛食雞卵，佫愛食精肉炒麻油。啥乜(siann2 mih8)麻油雞啦、麻油酒啦，猶有油飯，逐項都愛食。
     註生娘娘邊仔有一個足嫷(sui2)的仙女，即個仙女上疼囡(gin2)仔。仙童若來註生娘娘遮  (chit4 tho5)，仙女攏會 (theh8)糖仔餅仔予伊，佫偷挹(iap4)仙童上愛食的雞卵予伊食。
     有一日，仙童走出來賴賴趖(lua7 lua7 so5)。遠遠鼻著一陣一陣的麻油芳，倚(ua2)去共看。io9，原來是註生娘娘 兜(in1 tau1)咧煮麻油雞啦，佫煠(sah8)足濟粒雞卵呢！仙童趁(than3)註生娘娘佮(kah4)仙女無佇厝，著走入去偷食雞卵。鼻著芳貢貢的麻油雞，伊嘛偷舉(gia8)一支雞腿起來食，佫 (lim1)邊仔的麻油雞酒呢！
     無疑誤， 甲醉茫茫的時，拄好註生娘娘轉來。註生娘娘看一下足受氣，著共仙童掠(liah8)起來摃尻川(kha1 chng1)，摃甲規個尻川髀(phue2)一令一令烏青兼凝(ging5)血。仙童是疼甲哞哞吼(ma3 ma3 hau2)。
     仙女看著誠毋甘，緊倚去共仙童攬稠(tiau5)咧，佇(ti7)伊的尻川髀挲挲(so1 so1)咧，講：「囡(gin2)仔乖，囡仔惜， (be7)疼， 疼，恬恬(tiam7 tiam7)毋通吼(hau2)才會得人疼喔！」過一下仔，仙童才挮(the1)佇仙女的身軀邊，慢慢睏去咯(loo0)。     
    拄好凡間有一對老翁公婆仔，已經結婚幾何十冬矣，到今(tann1)猶未生囝(kiann2)。著來求註生娘娘，向(ng3)望註生娘娘會凍賜一個囡仔予  (in1)。註生娘娘想講：「既然仙童跡(ciah4)狡怪，佫(koh4)會共人偷食物件，我著共伊拍(phah4)落凡間，予伊重新做人。」
     隔工透早，老翁公婆仔一起床，聽著後尾門仔傳來紅嬰仔「哇！哇！哇………」的哭聲。開門一下看，ann9！有一個紅嬰仔佇門跤(kha1)口咧吼(hau2)。老翁公婆仔誠歡喜，知影這是註生娘娘卜賜予 的，著緊將紅嬰仔抱入來厝內，卜共伊惜命命。
     無想著，即個紅嬰仔足愛吼，規日吼 停，愛人抱稠咧，伊才會恬恬。尤其暗時仔卜睏，紅嬰仔一下囥(khng3)落眠床，吼著更加大聲。佇天頂的註生娘娘知影仙童又佫咧使性地矣，著共身軀邊的仙女講：「仙童跡(ciah4)狡怪，唅(ham7)暗時仔亦愛人抱稠稠。既然汝跡疼伊，我就派汝落去凡間，佇眠床頂做床母，通共老翁公婆仔湊(tau3)照顧囡仔。」
       仙女落來凡間做床母，看著紅嬰仔的尻川髀有烏烏的一片，知影這是以前仙童偷食物件去予註生娘娘摃的，即個紅嬰仔是床母卜照顧的無毋著。所以，即碼囡仔出世，身軀頂若佗(to2)一搭(tah4)有烏烏的一片，彼(he1)就是床母咧做記號，講即個囡仔是床母卜照顧喔！
紅嬰仔暗時仔卜睏，挮(the1)佇眠床頂，會感覺床母共伊攬稠咧。輕聲講：「嬰仔睏，嬰仔惜，心肝寶貝無塊借。床母共汝疼，共汝惜。日時阿母邀(io1)，暝時床母惜。」安爾，紅嬰仔著恬恬睏去咯。這著是床母的故事。
　
~~黃榮泰先生編著 2001.11~~

語嫣

哇災啊"錢母"嗯災啊床母啦

錢母會生小錢小前會長大錢

然後錢滾錢一直滾不完啦

㊣小小㊣

原帖由 語嫣 於 2011-2-10 18:29 發表
哇災啊"錢母"嗯災啊床母啦
錢母會生小錢小前會長大錢
然後錢滾錢一直滾不完啦

呃~~~不是啦.
錢母生的小錢要經過床母照顧才會變大錢啦~