蝶仔

絕對官僚

蝶仔 台語詩

簾簷猶咧滴雨                     簾簷（ni  chin）：屋簷。

毋知叨位來的蝶仔             蝶仔（iah  a）：飛蛾。

翅股有銀光                          翅股：翅膀。

粉粉薄薄

厝前厝後

來來回回轉踅                      轉踅（tng  seh）：轉繞。



輕秤的身世                          輕秤（chhin）：微薄，沒有份量。

飄忽的美麗

聽講

註定一出世就有

予人臆無的                           臆（ioh）無：猜不著。

予人毋甘的                           毋（m）甘：不捨的。

是初入街巷

為愛驚驚的心事



簾簷猶咧滴雨

想明仔載                               明仔載：明天。

敢會開日                               開日：晴天、見到陽光。

想彼隻蝶仔

未知的旅途

未知的幸福

            陳建成 2009 / 3 / 12