澳仔港的黃昏

絕對官僚

澳仔港的黃昏

大浪起起，落落，
澳仔港又閣黃昏了。
阮一堆囝仔和大浪走相追，
皈身軀淋的澹糊糊。
阮攏無想要回去，
爬上高高沙崙頂，偷偷
講一些心事，看日頭
漸漸暗下來。
漸漸阮大漢，想不到
海逮阮大漢。
對七、八百公尺的海岸，
徒到一百公尺的庄尾。
離工寮無到十公尺，
離測站無到二十公尺。
每一天，阿爸攏眉頭結結，講：
「海水來這緊，不知要安怎？」
海邊的土石給包商車車去，
沙崙越來越低，
越來越矮，
矮到我的肩胛頭。
以前日頭要落山，
阿爸就帶阮這群猴囝仔去傘礁下摸龍蝦，
現在日頭要落山，
阿爸就站在門庭的大石頭看海水聽海聲，
伊講：「連傘礁也無去啊，傘礁，也….」
忽然間，我親像失去什麼，
失去了什麼？

阿珠、阿真、阿旺、假仙、二齒….
尹早就搬走了。
黃昏時，不知，尹也會想起：
嵌在沙崙頂，秘密的心事？
有一天，可能，阮也會搬厝， 那時陣，澳仔港的日頭，
就永永遠遠變成-----
阿媽房間壁上舊月曆的
風景。

文出：古雅台語人