可憐的假髮（台語詩）

絕對官僚

可憐的假髮（台語詩）


一塊碗公
蓋一個白賊               蓋（kham）：掩蓋。
一頂假髮
蓋一碗公的白賊
甲一隻白賊為生的木蝨     木蝨（bak sat）：蝨子。



可憐的假髮啊
可憐的假髮
毋知影虛情假愛的世界    毋（m）知影：不知道。
一向白白賊賊
用一世人的青春美麗
恬恬陪伊所愛的木蝨
有時陣
去立法院烏白立法
有時陣
開記者會甲人糟蹋
用一世人的青春美麗
掩護伊所愛的木蝨
甲彼粒禿去的頭殼



可憐的假髮啊
可憐的假髮
毋知影虛情假愛的世界
一向白白賊賊
毋知影伊所愛的木蝨
連對家己嘛白白賊賊            家己（ka ti）：自己。
沉醉佇深深自戀的心結          佇（ti）：在。
自認為緣投甲無站無節          緣投：英俊好看。
無愛彼粒禿去的頭殼          無站無節：沒有節制，喩無限的自我膨脹。
嘛無承認有愛過假髮



可憐的假髮啊
可憐的假髮
為妳的前途
為妳的幸福
趕緊趕緊
離開白白賊賊的木蝨
趁猶青春
趁猶美麗
揣一粒較古意的頭殼

陳建成 2008/12/17