《客家詩》人事已非

絕對官僚

《人事已非》錡亮／文稿

親愛个朋友
桌頂烳好个茶
係臨時為你兜準備
試試仔一下由苦帶一息仔甘盡
當像老天誚誚个共樣
青春做毋得重來
又做得行幾次

親愛个朋友
桌頂這盤番豆
係用老舊个鑊仔
加一息仔深海炒過个鹽
鹹度摎汗水
十分做得一把一把心事
往嘴裡肚塞

親愛个朋友
暗晡夜
毋講十五號出口之前
月台頂共下閱讀佢眼神个笑微微仔
在二十號入口輪迴瞬間
一張蝲䗁網
等著盲目个行尞摎無知个人

親愛个朋友
烏毛都數過
年年飄來个緣落下
誰乜毋敢相信
稀薄白毛
難免噭毋曾絕望
四十歲以後
還有相聚个機會

來源：行政院客委會