柴雞腿(閩南語版本)

丸の小羽

較早的暗學仔先生啦，攏是足散，啊彼號落第的秀才，

攏是彼號落第的秀才伊較卜做暗學仔先生啦。

啊無通食 ──啊教彼幾個仔學生那有通食啦？

──啊修一支柴的雞腿啦，柴的雞腿。

啊較早咱無攏有彼豆醬，啊逐日食飯都用彼支柴雞腿得搵豆醬啦，得食彼的豆醬爾啦。

啊較早得教冊攏佇hin 1廟siap 8仔，咱講號做「廟siap 8仔」

就是講今今雙爿的鼓爿這爿的護龍，啊逐日就佇彼食、逐日就佇彼食。

啊有一工毋知影安怎 ──彼講神刁工卜共叫，

叫卜予伊彼號的──一隻雞走入去內底呼，

走入去卜看有粟仔通食無，啊共跳去li 0米籃，

煞cun 9仔倒蓋落來啊，彼隻雞cun 9仔蓋佇彼。

啊像講我這個飼雞的人硬尋啊，hoo 2～厝邊頭尾硬尋，

「啊這隻雞明明就無、咱這莊仔就無彼號，啊逐個問講攏無，亦無人掠去。」

像講伊的學生有看著，看老師呼，逐日攏用彼號柴的呼，

伊敢號做彼支真正雞腿咧，搵豆醬得食飯。

伊講：「e 2～是毋是阮老師偷提去？伊呼，逐日都攏配雞腿咧。」

啊真正共尋，真正蓋佇彼你看，蓋佇彼人就賴伊偷作賊，

攏得偷掠雞彼個食配雞腿彼個。啊伊就真正彼無面子，

無教啊，啊今也共趕啊──較早的人對老師足尊重的，

講像今擱會kang 9拍 ──伊就走，尾手cun 9仔伊做著官哦。

啊伊cun 9仔足氣講：「啊我佇彼間廟，啊連神亦無得共我保庇。」呼，

啊就轉來就彼間廟彼個神就共毀掉，但是了後，伊有影。

神，是卜助伊的，助伊講，你根本你遮得教冊就使啊，

你著擱去考校，較會著嘛，毋是一擺考爾嘛，

呼抑無你逐日遮得配柴雞腿，呼著毋？