鳳山市閩南語故事--草索仔拖俺公，草索仔拖俺父

丸の小羽

一個老父，啊合有一個老母啦，啊食老啊，做工課啊，啊阿公仔，阿爸仔，

就共阿公仔用一個籠仔，啊就共阿公仔貯下住籠仔，啊含子二個就共伊扛去山頂遐啦，

啊提索共阿公仔倒落彼個山頂遐，啊毋就卜二個就卜轉來啊。啊孫仔就共遐的草索仔合籠仔，

啊合彼號槌仔麼就拾拾e 0，就卜提轉來啊，啊阿爸就共問那，問子講：「啊你彼提的彼卜創啥貨啦？」

伊講：「啊我這就是卜拾轉來。」啊講：「拾轉來創啥啦？」

伊講：「拾轉來後擺通扛你啊，你若食老就共你扛像你安呢扛阿公仔來啊，倒hia 2擱啊。」

啊老父cuan 9聽一下講：「ai 5 ioh 4！啊我後擺若真實像安呢，安呢就麼毋著咧。」

啊cuan 9阿公、啊老父cuan 9講：「啊，安呢阮老父就擱共扛轉來飼，安呢。」

啊就老父，到尾仔阿公，老父就共，教子講：「你就去共阿公仔，看阿公仔猶有佇遐無？

啊若有，著愛起來。」啊到尾仔彼個孫仔就去看，阿公仔坐佇遐，cong 9共阿公仔起來，

啊擱共扛轉來，安呢。啊今也彼個子就講，老父就問子講：「啊安呢阿公仔轉來好。」

安呢號做「草索長長拖俺公仔，用e 0拖俺父仔。」安呢。