鳳山市閩南語故事--鹿角還狗哥

丸の小羽

我今也講的故事是民間故事啦，像中國的民間故事彼種啦，彼麼是聽人得講的，講，呼。

彼號這雞仔呼，像彼雞鵤仔無—雞鵤仔就是［公雞］啊—雞鵤仔呔會下載仔時起來呼，呔會唂唂唂，

伊會唂唂唂，較早的人共講講，伊彼個話呼，伊得叫就是講：「鹿角還狗哥哦！」

伊就是講：「鹿角還狗哥哦！」安呢。伊彼今也是講，彼就是［公雞會啼的由來］啦，

呼，彼號伊是下載時透早就起來就得講：「鹿角還狗哥哦！」 較早古早時代民間故事呼，

就是講，較早狗有發角啦，鹿仔無發角啊，彼就較早逐個攏住佇這平陽內底啦，攏生存佇這個彼號，

攏無hong 9予人飼e 0就著啦。彼個因為彼狗發彼號角呼，逐日安呢行，安呢hoo 2～啊彼個狗仔安呢呼，

看著足水 e 0，哦彼二支角就足水e 0啊。彼號彼隻鹿仔足欣羨啊，

「哦～，安呢呔狗仔有發彼號頂懸加彼二支角啊？」伊就逐日共彼號狗仔呼，

共狗仔講講：「俺逐個逐個做夥逐日安呢彳亍呼，你彼號頭殼頂彼二支角呼，才借我戴看覓 e 0。

呼，無麼予我飄撇一下安呢啊。」狗仔講：「豈會使？」講：「啊～你有彼號物件麼借人彼號。」呼，

伊講：「若卜借你會使啊，愛尋一個公証人啊，來証明講我有借你啊，你當時卜還我啊，安呢啊。」

安呢尋啊尋，尋講抵仔邊仔有彼雞仔佇遐，彼隻雞公佇遐。伊講：「啊雞公雞公來來來！呼，

你來我做一個証e 0呼。」彼號狗仔講：「我角卜借伊掛啦！呼，借鹿仔呼，借伊戴啦！彼你共我做証人哦！

彼你共我做証人，到時看借看是一日抑是當時呼，伊著愛還我哦，呼，無你彼愛予我做公親就著啦。 」

彼個雞仔戇戇講：「好啊！」 等彼隻鹿仔共伊借著的時，hoo 2～戴頭殼頂，

講：「哦～，我那會變赫緣投、赫飄撇？」就著啦。hoo 2～，伊就cong 9仔走去四界去予人看毋，

著毋著啊，去予人囂俳一下毋。結果今也來伊就無卜還啊毋，就［賴皮］啊毋，就無卜還狗啊毋。

伊講：「哦～啊戴落呰好看，我呔有卜還？」伊cong 9仔［賴皮］啊毋。 彼號［賴皮］今也這隻狗尋無啊，

彼號彼隻鹿仔愈走毋敢來，伊cong 9仔直直走，走對內山入去啊。今也這隻狗仔，逐日等，

就一日等二日等，等甲到尾仔講：「ai 5～，呔會鹿仔亦無還我？」今也時間到去尋雞仔來啊，

講：「啊你較緊共我、你看！鹿仔共我借去鹿仔亦無看人啊，著毋著！你去共我討來安呢就著啦。」

彼號雞仔就講：「我卜去tue 2尋啊？」因為鹿仔就走去深山內底宓啊。彼號今也狗仔hoo 2～，

看伊一日討無，二日討無就對付這隻雞仔，今也所以狗仔然後來，看著雞仔就攏共逐啊麼，

就開始卜共咬啊麼。 彼號因為這隻雞公呼，共人做著情呼，無法度啊，所以逐下載仔若睏醒伊就煩惱啊，

就較緊起來看著日頭若出來就較緊開始叫啊：「鹿角還狗哥哦！鹿角還狗哥哦！」

就逐日攏安呢叫，直直啼就著啊。彼個狗仔若看著雞仔就直直卜共咬，

講：「你無還我，我卜共咬。」彼號所以鹿仔就走去宓佇深山林內，伊亦無愛落來平地啊。