死貓吊樹頭，死狗放水流

不曬月亮的魚

佇咧古早古早以前，貓仔袂曉展威，虎才會曉，貓仔看著虎遐爾威風，樹林內所有的動物仔攏驚伊，實在足欽羨矣！

伊就拜託虎共功夫教予伊，虎雖然是威風凜凜，上大的遺憾就是袂曉足百樹仔，

所以，伊就佮貓條件交換，希望貓教伊足百樹仔，但是，虎驚貓無守信用，貓就去請伊的好朋友狗來替伊做證人。

狗相信好朋友是袂相害兮，所以就貼胸坎給虎保證，既然有人做證人，虎著共展威的共功夫教予貓仔。

誰知影貓仔一學曉展威的功夫，馬上咻一聲！足百去樹仔頂，伊共虎講：

「假使我若是共足百樹仔的本領教予你，有一工你若欲食我，時到我毋著走投無路了，講煞，著咻一下做伊走！」，

虎足生氣矣！就欲抓證人狗來算數，狗雖然是拼命一直走，後跤猶是予虎咬一孔，雖然好運逃出虎口，毋擱，孔喙爛足久攏醫袂好。

觀世音菩薩看狗仔真可憐，就賜一片蓮葉予伊糊，孔喙馬上著好起來，狗為著欲感謝觀世音菩薩的救跤之恩，

每一擺若放尿兮時就會給跤  懸懸，毋敢沾垃圾矣！心內足怨嘆予朋友出賣。


為著欲逃避虎的追殺，狗離開了傷心樹林，來到人家，要求人家的主人收留伊，主人著問伊會曉啥物本領？

狗著講：「我會曉替主人顧厝，會曉湊拍獵」，狗給過去替貓做證人的經過，

講予主人聽，驚將來若死了後，若埋佇塗底，虎會給伊的屍體挖出來吃掉，所以伊著要求主人，等伊若死了後，

愛給伊的屍體放予水流，虎就鼻無伊的氣味。

後來，貓也來到人家，貓仔向主人講：我會曉替你咬鳥鼠，請你予我足帶落來，

有一工伊發現狗也來足帶佇人家矣，伊驚狗會聞著伊的氣味，每一擺若放屎兮，著緊用塗給埋起來，

而且擱拜託主人，等伊死了，愛給伊的屍體吊上樹頭，因為虎佮狗攏袂曉足百樹仔。

wing_wang_tw

好厲害的  魚兒台語講古....  完全台語發音  厲害   謝謝分享!!