一日走拋拋，一暝點燈膋。

草薰風

一日走拋拋，一暝點燈膋。


即句俗語的意思，日時規工無卜做代誌，四界走、烏白踅(seh8)，結局夠暗時才來點燈火趕暝工，即款的做法，不但點燈仔火加(ke1)了錢以外、而且拍歹身體、煞變做戇工，真是「何苦來哉」？

現代社會有足濟娛樂的場所佮活動，譬如電影戲園、電腦網路、柏青哥、高爾夫球場、KTV、PUB舞廳、酒廊、…等，提供互一寡(koa2)人會當消磨時間的所在。但是有的人煞沈迷佇即款場所，規工正經事無卜(beh4)做半項，將時間白白浪費掉。尤其是做學生的人，普通時無卜認真讀冊，到考試的時陣，才來通宵讀規暝冊，安爾不但讀冊效果歹(bai2)，身體嘛會拍歹(phaiN2)。所以佇目前的社會，咱愛學會曉時間的運用，安排代誌的優先順序。總講一句是個人愛將本份、正事先做互好勢，才來做其他的代誌。

參即句俗語有相關的：

「少年袂曉想，食老就唔成樣。」
「屎放佇尻川，才卜擦。」
「勤有功，戲無益。」
　


〔註〕

走拋拋：「拋拋」pha1-pha1，音讀「葩」。指到處遊蕩，。
點燈膋：「膋」la5，音讀「蜊」。指點油燈。