一言不中，千言無用。

草薰風

一言不中，千言無用。



「信」即字，拆開來看是「人言」，意思是講：一個人講出來的話愛算話，這才算做有「信」用。所以一個人袂使開喙烏白講話，亦是講嘐韶(hau1-siau5)話，若無，伊所講的話，著無人會相信，甚至人格會受著別人的懷疑，形象也會受著傷害。

人佮人鬥陣做夥愛坦白、誠懇，所以若(na2)對人講一句無誠意的話，亦是講一句白賊話，互人知影了後，汝佫千言萬語來解說，嘛無人卜相信。因為講白賊話的人，為著卜隱瞞家己心虛，會佫講恰濟的白賊話，來欺騙別人。所以即句俗語「一言不中，千言無用」，是咧教示咱愛講老實話，愛講好聽話。若無，伊講的話著會互人當做「馬耳東風」。

參即句俗語相關的：

一言既出，駟馬難追。
相命喙，糊累累。
一擺賊，百世賊。

x58229

一言不中，千言無用應該轉給馬XX認真看一下

gooanson

選前山盟海誓;選後十分歹勢!====請用台語發音
對應板大的話!