- 註冊時間
- 2007-10-30
- 最後登錄
- 2019-6-5
- 主題
- 查看
- 積分
- 6865
- 閱讀權限
- 140
- 文章
- 672
- 相冊
- 0
- 日誌
- 0
 
狀態︰
離線 
|
《十殿閻君》勸世歌詞
本境城隍佮土地，做好做歹先知機，土地若知蔔繳旨，敢著交予善惡司。
有人做惡講做善，守善犯惡簿著掀，黑無雙差摜鐵鏈，掠來地獄受可憐。
黑白無常烏白麵，暗查察司佮精神，判官小鬼行鬥陣，查斷陽間盡忠民。
十八地獄分善惡，勸恁毋通做惡毒，好心好行天送福，歹心終世著勞碌。
牛頭馬面二將軍，猶有日夜雙場巡，淩霄寶殿問一困，東獄善惡擱再分。
十殿閻君罰罪嚴，好心好行再加添，陰間定數袂走閃，好的無人敢犯嫌。
威靈顯赫酆都帝，馬面將軍手舉釵，善惡查察若詳細，蔔除歹心規千個。
威靈顯赫問清楚，做歹毒心罪難逃，灶君面前先劃號，掠來十殿見閻羅。
頭殿閻君是秦廣，正的頭關的閻王，陰府地獄闊莽莽，直佮陽間不相同。 秦廣蹛佇頭殿內，頭殿一個孽鏡臺，在生陽間若做歹，迄鏡去照逐項知。後母苦毒前人囝，姦拐弄散人親情，死落陰間著吼疼，數簿徛佇頭一名。 擱來一款可憐代，一個查某人害死狗仔栽，因由一隻狗鑽入灶空內，煮食無共趕出來。即只狗母有身五隻囝，無共趕出來火著燃，狗母毋願去告孽鏡，得卜判斷查某予恁逐家聽。五隻狗栽被伊害，閻君判斷來投胎，來投冤主腹堵內，若生囝狗母才去請花災。 狗仔囝出世隨時死，冤冤相報來害伊，閻君判斷照情理，迄個查某才擱落血池。
二殿閻君是楚江，設起刑具除萬人，在生若有罪萬項，勸恁逐家先毋通。 在生不孝序大人，掠來去二殿摃跤筒，忤逆父母罪蓋重，著擱燒灰研末過塗礱。不孝老父佮老母，掠到二殿罪難逃，定著應該萬刀銼，燒灰研末過疏籮。
第三殿閻君是宋帝，馬面將軍手拿叉，善惡查察那詳細，要除歹心幾千個， 在生強佔人牽手，掠來去三殿打眼睛，還是惦治勒做剪柳，就擱剝皮骨頭髓再抽，
奸拐有尪人查某，掠到三殿鑽火圈，也著剖腹抽腸肚，落做四腿上差途。
第四殿閻君是五官，枉死長城百丈高，內面枉死幹萬款，哀怨無塊哭申冤， 在生有人塊打鳥，不時鳥鎗背著著，掠到四殿抱銅柱，乎火燒到翹翹翹，無天無良整人賭，那無經法罪袂消，到四殿衣褲剝了了，也就刑罰淩割雕。
第五殿閻君是森羅，勸恁歹心不通學，在生歹心萬刀銼，掠到五殿過輾臼， 森羅住在五殿內，五殿一個望鄉台，看到子孫流眼屎，血身朽爛袂擱來，巧舌騙人作一鬥，失人尺寸減秤頭，那無公道秤甲夠，掠去五殿摃火刀，摃到鼻血雙港流。
六殿閻君遊汴城，鬼門關刑具通人驚，歹心那死就哮痛，好心金堂揚美名， 在生強佔人傢伙，掠到六殿下油鍋，那無經法罪袂過，應該就擱先剝皮， 無尪的查某騷客兄，小鬼鐵鏈煉著走，來到六殿下油鍋，按呢刑具看恁驚不驚，查甫無某騷夥記，親像這款後悔遲，掠到六殿受淩遲，抱在銅柱割口舌。
第七殿閻君是泰山，泰山刑人真粗殘，好心來看驚到瘦，歹心來看心不安， 做人細小不受濟，欺善怕惡愛冤家，掠到衣褲脫替替，抱在銅柱過五叉， 一身血流甲血滴，胸前鐵叉四五支，站在刑具無舍施，狼牙野獸擱分屍，在生尪某給拐散，媳婦不孝家公婆，下次那死嘸免看，來到七殿過刀山。
八殿閻羅是平正，創作馬車真正經，歹心拖落馬車輾，閻君判斷求無情， 再來尼姑偷生子，吃菜無清討客兄，閻君判斷若知影，過八殿的虎頭城， 有人奸貪甲巧詐，唆使人冤家有爭差，弄人生死忽拱打，著過八殿虎頭鍘， 查甫查某愛學話，掠到八殿割嘴巴，害人生死蓋重罪，著擱槌臼槌人匭。
第九殿閻君是都市，注福注祿無差疑，好心的人快活死，歹心陰間受淩遲， 在生查某真肮爁，通姦害死伊親尪，通姦害夫罪蓋重，著擱脫衣脫褲抱煙筒，有人專門站房內，捉到九殿伊著知，捉到九殿的所在，燒灰研末過米篩。
十殿閻羅是轉魂，轉魂車台鬧紛紛，查甫查某歸大群，推推擠擠領關文， 轉魂車台六條空，頭條二條出世人，三條豬狗水牛港，四格鳥只掉魚籠， 落來這款第五格，出世降做魚和蝦，第六這孔恨卡低，出世蚊蟲做土觡， 查甫查某歸大陣，推推擠擠來領憑，出世做人袂要緊，出世畜牲蓋可憐， 歹心不給它分世，一人甲分一領皮，出世做人得傢伙，出世畜牲撿泔水， 在生若奸拐人的尪，出世做婊來姘行，拿人的錢兼放港，出世雞母誘雞公，在生治開卡阿間，轉魂出世做母鴇，有的謀財害人命，出世乞丐萬代窮，這款查某做淫婦，出世鴨母壁腳龜，乎伊有生無通孵，身邊不時有丈夫，查甫那愛用查某人，轉魂出世做雞公，不時有雞母通戲弄，免錢暢勒歸世人。
|
|
發表於 2013-3-4 07:19:24
x 
發表於 2013-3-6 20:38:25
