- 註冊時間
- 2015-1-10
- 最後登錄
- 2025-1-13
- 主題
- 查看
- 積分
- 29208
- 閱讀權限
- 250
- 文章
- 20989
- 相冊
- 8
- 日誌
- 28
 
狀態︰
離線 
|
啊這個當時就是有二個姐妹仔呼猶算囝仔時代啦，差不多成十歲仔，十出頭歲仔。
啊有一工老母講有代誌無佇e 0佇安呢，無佇厝e 0。
啊彼ieng 9暗一隻虎姑婆講變做人安呢，啊來卜食這二個姐妹仔。
講號做騙講是姑婆仔安呢啦。啊彼ieng 9暗合住彼睏，合做伴住彼睏。
啊彼睏到三更半暝，彼隻虎姑婆就對彼個較細漢的彼個查某囝仔，
彼個小妹仔就共食去安呢，就得共食啊啦。
啊直直食，食到哺到khinn 7 khaunn 7叫呼彼有聲音啦，所以這個較大漢這個大姐，
這個查某囝仔就聽了怪怪講：「姑婆仔、姑婆仔，你得食啥？」安呢啦。
伊講：「我都得哺烏豆仔。」講：「你騙人，若無，烏豆仔你分我食。」安呢。
伊講：「好，你若卜食我就分你食講。」提一塊彼囝仔手的掌頭仔予伊，
伊自安呢知影講：「哇！這安呢呼，這虎姑婆仔食人！小妹仔去予食去啊。」
今也伊彼陣仔猶然驚講伊猶然會續予食去呼。伊自安呢就假講伊卜放尿安呢啦。
卜放尿，姑婆仔叫伊講：「啊毋免啦，卜放尿倒得眠床放就好啦。」
伊講：「毋好啦，我呰大漢啊住e 0眠床放呼，阮娘若轉來會罵啦。」
伊講：「亦無要緊啦。」伊講：「無愛。」
伊講：「啊你敢驚我走去？你若驚我走去呼，我褲帶縛咧，縛咧身軀予你扭咧安呢啦。」
啊伊成實有影講創一條帶仔呼，縛予伊扭，啊去創一個茶安呢入水，掛囥咧尿桶墘彼，
予住彼「thong 1 thong 1 thong 1」住彼幹若得放尿的聲音。
啊伊自安呢走，走出來啊，走對外口出去，走對一欉樹仔頂起。
啊天光起來彼個，彼個虎姑婆尋無，尋無人。
走出來外口，看e 0樹仔頂講伊佇樹仔頂，啊就得卜共食啦。
啊伊講：「姑婆仔你若卜食我呼，無要緊我予你食安呢，你，
我佇e 0內面桌腳倒一桶油，你共我焚予滾滾呼，啊縋起來予我呼，啊我才落來予你食安呢。」
啊這個虎姑婆呼毋知是計安呢呼，成實有影講去焚彼桶油焚焚咧，啊共創索仔縋起予伊，
講：「姑婆仔你若卜食你就嘴開開，目睭微微，我才跳落來予你食呼。」
叫伊嘴開開啊目睭瞌瞌安尼。啊伊成實有影講嘴開開，
目睭瞌瞌，伊自彼桶油自安呢共淋落來，啊這個這隻虎姑婆才去予淋死去安呢。
|
|
發表於 2015-5-13 11:27:11
