- 註冊時間
- 2015-1-10
- 最後登錄
- 2024-12-26
- 主題
- 查看
- 積分
- 28332
- 閱讀權限
- 250
- 文章
- 20560
- 相冊
- 8
- 日誌
- 27
 
狀態︰
在線上 
|
彼號貓仔呼，你共看，跔咧是像咧痚痀安呢，h hiunn 2、hiunn 2～、hiunn 2～安呢呼，
就是氣e 0啦，予貓鼠仔氣e 0啦。 彼今也就是講這麼是民間故事就是講，較早呼，
彼號玉皇大帝就是得主管遮的動物啦，主管遮的人的轉世，這種的最高的彼號麼呼，
得［主宰］遮的代誌。伊較早就是向下腳的遮的動物呼，宣報講。
今也伊卜排十二生肖啦—彼號十二生肖鼠、牛、虎、兔、羊、蛇、馬、雞、狗、豬，
安呢十二項生肖—本來無啦，伊今也就是講啊卜排這個十二生肖呼，
伊共伊講：「某月某日啦呼，透早呼，佇天光以前呼，您遮的佇這平地的動物呼，
有法度通走來到我呼，游到我這個彼號南城門呼，像講伊得辦公的所在呼，
先報到的人就是排第一名，直直排落來就著啊。」 彼號因為這佇平陽的、佇深山林內遮的動物呼，
去到伊彼個天庭彼號呼，愛經過河啦，經過彼個溪啦呼，攏愛彼號。彼個因為這就逐個一個傳咧，
二個傳咧呼，就傳彼動物逐個就攏開始e 0準備呀毋。彼號今也這隻貓鼠呼，
含貓仔這個永過逐個攏住佇這就開始得想啊毋，想講：「哦啊，卜走去到遐，愛經過大河啊，
愛經過溪啊，彼號俺這、因為貓亦驚水啊，彼號貓鼠仔亦驚水啊，這亦響游泳啊，這落去沈沈死啊。」
伊就去尋彼號牛啊，尋彼隻牛啊。 共伊講，
講：「我有聽這個消息呼，俺呼對當時著愛起程啊，呼，就開始來彼號啊。」
彼號因為卜過溪呼，叫牛呼，這隻牛呼，戇牛麼，人講戇牛戇牛。
「你才替阮、阮才跳起來你的尻脊骿呼，替阮渡過溪就著啦。」
彼個牛就答應啊。 哦～，啊彼日呼，就進前就開始直直、麼開始行啦，
攏差不多彼個啥物較早叫做天庭呼，天庭彼個啥物門呼，開始行就著啦。
好，今也直直行行行，卜過遐的時，愛有過一條大溪啦。
哦～彼貓仔含貓鼠仔就逐個hoo 2～較緊去佇伊的尻脊骿就予伊渡過啊。
啊伊今也渡到半中途的時呼，彼隻貓鼠呼，伊就想講：「這若等一下過呼，就卜到彼個天啥物門啊麼呼，
就是卜搶彼個第一名、第二名。彼隻貓赫走，我普通時就走輸伊啊，我較細隻，我走豈會贏伊？
彼今若去，就一定就第一號一定予伊搶著，第一名一定予伊搶著啊，生肖一定予伊排著啊。」
所以直直行，行到河的中央的時，伊就一個歹念頭起來啊：
「彼號順今伊無得注意呼，伊得歡喜的時，我cong 9仔共挨挨落呼，彼號伊就泅起來啊。」
因為佇咧牛的尻脊骿共挨落呼，伊就去沐沐泅啊，著毋著？抵仔到彼溪的中央cong 9仔
將彼隻貓仔講看伊無注意，cong 9仔挨一下cong 9仔彼隻貓仔cong 9仔對牛的尻脊骿輪輪落啊。
彼隻牛就直直戇戇仔行毋，伊亦無法度共救啊著毋著？伊麼是就渡過啊毋，渡過所以過到彼爿岸的時，
貓鼠仔「phiu 1」e 0就直直走啊，走一下著第一號麼，
所以「一鼠」麼，第一個生肖叫一鼠麼，第二號生肖就是二牛麼，呼，第三個生肖才三虎麼，
過四兔、五龍、六蛇、七馬、八羊、九猴、十雞、十一才狗、十二才豬麼，攏排了啊麼。
等彼隻貓仔直直佇e 0水中沐沐泅，泅起來到岸裏來去到遐的時呼，抵仔人十二生肖排了，
人已經卜退朝啊，轉來，排無著啊。伊愈想愈氣講：「攏這隻貓鼠仔害e 0。」
所以就卜尋貓鼠仔算帳啊。 所以講伊的後代直直生落來，伊若看著貓鼠就是卜共咬予死啦，
因為伊排無著啊，彼號倒佇彼水裏呼，泅泳呼，泅一下抵仔去共喢著，所以像彼痚痀安呢，
安呢「hiunn 2～、hiunn 2～、hiunn 2～」啊，彼號看著貓鼠就卜共咬啊，
所以到今伊的冤仇猶結足重，看著貓鼠就卜共伊彼號就著啦。
|
|
發表於 2015-5-15 09:02:18
