- 註冊時間
- 2016-3-3
- 最後登錄
- 2024-12-23
- 主題
- 查看
- 積分
- 13161
- 閱讀權限
- 200
- 文章
- 6387
- 相冊
- 1
- 日誌
- 17
  
狀態︰
離線 
|
阿明他兜的牛母生一隻牛仔囝，這隻牛仔囝就親像細隻鹿仔仝款，生做活潑古錐，規工跳來跳去，足趣味矣！
阿明佮阿公攏足愛伊矣！就共伊號名叫做「阿牛」，有閒兮時公孫仔兩人，就會定定去牛牢共看看咧！
阿牛若看到 因來，就會歡喜佫佇他的身軀邊趡來趡去，阿公就共伊扭來頷頸挲挲咧講：
「阿牛實在是一隻古錐的牛仔囝」阿明嘛會共伊的頭摸摸咧講：
「阿牛是我的好朋友」因為阿公佮阿明的疼惜，無偌久，阿牛著捌 因矣！
有一工透早，厝裡來了一個阿叔、阿爸託拜彼個阿叔替因共阿牛賣掉。阿明聽到這件事誌，足毋甘矣！
心內想：阿公若知影這項事誌，一定會共阿爸阻擋矣！
所以，伊就趕緊三步做二步，走去阿公咧做穡的山頂，拜託阿公共阿牛留落來，
可是，阿公煞講：「若無共阿牛賣掉，咱著無錢通好替恁阿姐辦嫁妝了，
阿牛賣去、你會較無伴，希望你愛忍耐好嗎？」阿明含著目屎，頭犁犁無講半句話，心肝親像針佇威咧！
就佇這個時陣、當阿明的目睭看對遠遠的山下的時，拄好看到阿牛予人牽對庄外直直去，
看到愈行愈遠的阿牛，阿明的目屎一滴一滴親像雨水滴袂離，阿公也陪阿明企佇山頂，目睭金金看佫阿牛消失為止。
自從牛仔囝離開了，公孫兩人攏毋捌擱提起阿牛的事誌，好親像 因己經想開矣！
其實暗中、阿明一直佇咧探聽阿牛的下落。
有一工，阿明拄到替 因牽牛去賣彼个阿叔，才知影、阿牛是予人賣去隔壁庄阿福伯 因兜。
阿明馬上拚命一直走，等伊走到阿福伯 因兜牛牢兮時，阿公己經早伊一步到位矣！
其實阿公嘛佮阿明仝款，足思念阿牛矣！
阿牛看到因來，歡喜佫跳來跳去，二蕊圓輾輾的大目睭、親像咧對因講：「看到恁來我足歡喜的呢？」
阿明嘛足歡喜對阿公講：「哇！以後咱著會通定定來看阿牛囉！」
|
|
發表於 2016-7-8 14:20:41
x 
