- 註冊時間
- 2008-10-6
- 最後登錄
- 2015-7-29
- 主題
- 查看
- 積分
- 11901
- 閱讀權限
- 140
- 文章
- 11993
- 相冊
- 3
- 日誌
- 45
 
狀態︰
離線 
|
台灣歌詩
台灣早期的歌詩，真有內涵。其實誠濟詩詞，攏予人擊掌喝囋，會當千古流傳。譬如李臨秋的「望春風」，描寫十七﹑八歲的少女，思慕異性非常閉思（含蓄）的情懷，置當今的作品內，已經是罕見了。七字子詩也共款，置玆，我摘幾首子予大家欣賞。
1.望春風 李臨秋 （鄧雨賢曲）
獨夜無伴守燈下（ㄝ ），清風對面吹。
十七﹑八歲未出嫁，遇著少年家；
果然標緻面肉白，誰家人子弟，
想欲問伊驚歹勢，心內彈琵琶。
想欲郎君做翁婿，意愛在心內；
等待何時君來採，青春花當開。
聽見外面有人來，開門給看覓；
月娘笑阮戇大呆，予風騙不知。
2.情意九分九 （作者未詳）
阮兜灶下通恁兜，看汝每日偷探頭；
兩人 情意九分九，路下抵著頭勾勾。
灶下（ㄎㄚ）（廚房），通（ㄊㄤ ），路下（ㄝ ）（路上），抵（ㄉㄨˋ）著
（遇上）。
3.玉蘭花 （作者未詳）
玉蘭開花芳透天，挽入房間芳歸暝；
將花拿入虻罩內，半暝芳到枕頭邊。
到（ㄍㄚˋ）。
註：（1）置文外所注的音是本調。唸歌詩的時，才自己照規則變調。
（2）頂面兩首台語詩七字子，頭一擺是位李鴻禧教授的「台語之美」錄音帶內聽著的。
其實台灣文化豐富的內涵，抑擱真濟存置七﹑八十歲漢學碩彥的腹內。不過，漸漸咧凋零。關心台灣文化的人，莫不盼望熱心公益的企業界，佮執政當局會注意位玆（ㄐㄧㄚ）來。官民共同把握這稍縱即逝的機會，勇敢擔負起搶救台灣文化寶藏的千秋大業。
4.雨夜花 周添旺 （鄧雨賢曲）
雨夜花、雨夜花、受風雨吹落地，無人看見，暝日怨嗟，花謝落土不再回。
花落土、花落土、有啥人通看顧，無情風雨，誤阮前途，花蕊凋落欲如何。
雨無情、雨無情、無想阮的前程，並無看護，軟弱心性，乎阮前途失光明。
雨水滴、雨水滴、引阮入受難池，怎樣予阮，離葉離枝，永遠無人通看見。
5.四季紅 李臨秋 （鄧雨賢曲）
春天花，當清香，兩人心頭齊震動 （男）有話想欲對汝講，不知通抑不通。
（女）叨一項？（男）敢也有別項！（女）肉呅笑，目睭降。
（合）汝我戀花朱朱紅。
夏天風，正輕鬆，雙人坐船在遊江 （男）有話想欲對汝講，不知通抑不通。
（女）叨一項？（男）敢也有別項！（女）肉呅笑，目睭降。
（合）水底日頭朱朱紅。
秋天月，照紗窗，雙人相好有所望 （男）有話想欲對汝講，不知通抑不通。
（女）叨一項？（男）敢也有別項！（女）肉呅笑，目睭降。
（合）嘴唇胭脂朱朱紅。
冬天風，真難當，兩人相好不驚凍 （男）有話想欲對汝講，不知通抑不通。
（女）叨一項？（男）敢也有別項！（女）肉呅笑，目睭降。
（合）愛情熱度朱朱紅。
6.搖嬰子歌 呂泉生曲 盧雲生填詞
（原呂泉生詞，後來盧雲生補填，在此只選其中三段）
嬰仔嬰嬰睏，一暝大一寸，嬰仔嬰嬰惜，一暝大一尺。
搖子日落山，抱子金金看，汝是我心肝，驚汝受風寒。
嬰仔嬰嬰睏，一暝大一寸，嬰仔嬰嬰惜，一暝大一尺。
同是一樣子，那有兩心情，查甫也著疼，查某也著晟。
嬰仔嬰嬰睏，一暝大一寸，嬰仔嬰嬰惜，一暝大一尺。
疼子像黃金，晟子消責任，飼到恁嫁娶，我才會放心。
7.搖籃曲
回想當（ㄉ ）置咧育兒的彼當（ㄉ ）時，抑（ㄧㄚ）（還）無緣抵（ㄉㄨ）著本土的搖嬰子歌。因為彼久台語的研究，抑無時行。安呢欲安怎？好佳在，彼陣腦海內有來了一個靈感：給莫札特搖籃曲填詞，敢不是真好咧！著安呢，我給莫札特﹑舒伯特佮布拉姆斯三位大師的作品（置共一塊錄音帶內），攏給填了台語歌詞，置（ㄉ ）放音樂的時陣，承續唱予嬰子聽。有一擺，我發見嬰子聽著莫札特搖籃曲的時陣，流目屎，我才深深了解，音樂震撼人心的力量，位嬰子著看會出來。
後來，我給莫札特搖籃曲填的詞，收入拙作台語呼音法內面，希望佮大家分享。
閣無若久，我置一間嬰兒用品店，看著一塊錄音帶，內面有一條搖嬰子歌，我才（ㄐㄧㄚˋ）恍然大悟，原來咱台灣有家己的搖籃曲。有者呢（這樣）好的作品，我竟然不知，旋律非常嫷（美），無輸西洋大師的作品，真使人衷心讚嘆。雖然我繞一大輪，拚歸晡才抵著本土的搖嬰子歌，但是我所做的代誌，感覺也真有價值性。所以，置者（在這裏）披露予大家知也，有興趣的人，會用ㄝ去買一塊絲知（ㄒㄧ ㄉㄧ）CD返來和（ㄏ ）看覓，大家著用這個方法，共同給天籟傳予咱身軀邊的小天使！
莫札特搖籃曲 王俊明 填詞
搖啊搖，搖啊搖（前奏）
嬰子搖搖喔喔睏，看汝一暝大一寸；
惜啊惜，嬰子搖搖，看汝大一暝一尺。
搖阿嬰，日～落山，抱幼子，金～金看；
汝～是娘～心肝，阮～驚汝受風寒。
嬰子搖搖喔喔睏，看汝一暝大一寸；
惜啊惜，嬰子搖搖，看汝大一暝一尺。
搖豬腳，搖阮金子，甜吻吻，阮 心情；
緊大漢通鬥挽茄，嬰子搖搖嬰嬰惜。
注音：嬰子 ㄚ 喔喔睏 ㄎㄨㄣ 金子ㄍㄧ ㄍㄧ ˋ
甜吻吻ㄉ 万ˋ 万（甜蜜蜜）
註：字邊有～的符號者，表示彼字對應兩個音符以上，以下同。
舒伯特搖籃曲 王俊明 填詞
嬰子搖喔喔睏，看汝一暝大一寸～；
惜啊惜嬰子搖，看汝一暝大一尺。
搖豬腳搖金子，甜吻吻阮心情；
緊大漢鬥挽茄，嬰子搖搖嬰嬰惜。
嬰子搖喔喔睏，看汝一暝大一寸～；
惜啊惜嬰子搖，看汝一暝大一尺。
搖阿嬰日落山，抱幼子金金看；
汝是娘心～肝，阮～驚汝受風寒。
嬰子搖喔喔睏，看汝一暝大一寸～；
惜啊惜嬰子搖，看汝一暝大一尺。
搖豬腳搖金子，甜吻吻阮心情；
緊大漢鬥挽茄，嬰子搖搖嬰嬰惜。
布拉姆斯搖籃曲 王俊明 填詞
嬰子搖喔喔睏，看汝一暝大一寸；
惜啊惜～嬰子搖，看汝一暝大一尺。
搖豬腳搖金子，甜吻吻～阮心情；
緊大漢鬥挽茄，嬰子搖～嬰嬰惜。
嬰子搖喔喔睏，看汝一暝大一寸；
惜啊惜～嬰子搖，看汝一暝大一尺。
搖阿嬰日落山，抱幼子～金金看；
汝是娘心～肝，阮～驚汝～受風寒。
嬰子搖喔喔睏，看汝一暝大一寸；
惜啊惜～嬰子搖，看汝一暝大一尺。
搖豬腳搖金子，甜吻吻～阮心情；
緊大漢鬥挽茄，嬰子搖～嬰嬰惜。 |
|
發表於 2010-12-24 05:58:01
