- 註冊時間
- 2009-12-6
- 最後登錄
- 2024-12-27
- 主題
- 查看
- 積分
- 27267
- 閱讀權限
- 130
- 文章
- 28509
- 相冊
- 1
- 日誌
- 0
 
狀態︰
離線 
|
老和尚佮小和尚 撰稿：葉淑華
佇莊跤的小廟內，足帶一个老和尚佮一个小和尚，小和尚是天真活潑，老和尚是迷信擱固執，若看一寡較奇怪的事誌著會講：「彼一定是神特別來指示的」。
有一工透早，師徒兩人準備欲去替人念經做法事 一踏出廟門，老和尚就予天頂飛過的厝鳥仔滴著鳥仔屎，「啊！今仔日若出門，會拄著歹吉兆的事誌！。」小和尚問講：「師父你有未卜先知哦？」老和尚就指著天頂的厝鳥講：「我的頭殼滴到鳥仔屎，這是神明特別派來指示，叫咱毋通出門啦！」小和尚應講：「若安爾講，天跤下所有的鳥仔屎，毋就攏是神的旨意了？」老和尚非常生氣，責備小和尚對神明不敬，罰伊跪佇神壇前唸一工的經，才肯放伊煞。
因為 因無守信用，村民就約定一個月毋愛予小廟香火錢，結果師徒兩人枵 只有飲泔糜仔過頓，定定餓ㄔ各無氣力通好唸經。
有一工莊內擱有人欲做法事，交代 因袂使擱再失約咧，因為驚厝鳥會擱飛來，隔工天未光，老和尚就揣小和尚出門，走到半路，小和尚雄雄煞尿緊，附近又擱無人家厝通好藉便所，小和尚只好揣一个較媕僻（phiah4）的稻仔園，準備要方便兮時，老和尚大聲喝講：「稻仔是有稻神兮，安爾做是會受到稻神的處罰矣！」小和尚只好忍耐，雄雄看到路邊一叢大樹，趕緊走去宓佇樹惦仔後，但是老和尚擱罵講：「你敢毋知樹仔有樹神喔！」小和尚實在急ㄔ各強欲忍袂牢矣！毋擱！聽到師父佇罵，只好牙齒根咬較糸亙咧，擱繼續趕路。
行到溪邊，遠遠聽到水流聲，小和尚三步做兩步行，心內想：「放落水底袂臭嘛袂垃攙，師父一定袂擱插」等伊走到溪仔墘，誰知，師父的雷公聲擱響起：「溪底有溪神，佇遐放尿是萬萬不能！」
天啊！小和尚只好扭著褲沿路行沿路跳，看到路邊的土地公廟仔，就快馬加鞭走去廟後，老和尚馬上大手共一扭！「我就知咧！安爾對神是大不敬矣，平時我是安怎教你？」小和尚就足著急問講：「師父！到底是什麼所在才會通放尿咧？我已經忍袂牢矣！」「只要無神的所在攏會使咧！」小和尚四邊看看咧！稻仔有稻神、樹仔有樹神……到底是叨位才無神咧 ？急！急急急急急！小和尚急ㄔ各玲瓏踅！急ㄔ各歸身軀起雞母皮！急ㄔ各大粒汗小粒直直垂，雄雄目睭一下金「啊！有矣！小和尚趕緊走去老和尚的身軀邊，噓－－哇！即時攏昭輕鬆起來」老和尚又驚又氣「喂！喂！喂！你這个徒弟實在真大膽，亦敢佇師父的身軀放尿！」小和尚足無辜講：「師父是人，毋是神，弟子一切遵照師父的意思啊！」老和尚雖然氣ㄔ各咇咇掣，唉！亦無可奈何啊！
|
|
發表於 2014-10-15 23:35:24
