- 註冊時間
- 2015-1-10
- 最後登錄
- 2024-12-27
- 主題
- 查看
- 積分
- 28357
- 閱讀權限
- 250
- 文章
- 20583
- 相冊
- 8
- 日誌
- 27
 
狀態︰
離線 
|
這個「周公之禮」這個故事，是以前鳳山竹仔腳，
有一對彼中年的夫妻啦，二個夫妻啊，幹仔有一個獨生女，叫做玉華。
有一工啊，這二個夫妻共玉華講，講：「玉華！玉華！你已經亦這個年歲啊，
，啊爸爸、媽媽呼，想卜共你嫁安爾呼，共你、為著你終身大事安爾，呼，
啊共你尋一個號做歸宿，一個好的所在安爾。」這個玉華啊，伊共爸爸媽媽應安怎呢，
講：「我無愛嫁啦！因為爸爸媽媽亦遮的年歲啊，我卜含爸爸媽媽做堆安爾。」
爸爸媽媽講：「使 e 3！爸爸媽媽猶身體成勇咧。啊這生成呼，男當婚，女當嫁，
生成coo 9囝仔年歲若到著愛嫁安爾。」這個玉華較講麼反對，反對講伊毋嫁。
擱經過幾偌日共伊講，伊麼是講：「毋，我毋愛嫁，我卜含爸爸媽媽做堆。」
安爾，哇～，當這對的中年夫妻當就安爾，足頭殼疼就著安爾啦。
當，卜安怎？路尾仔，去叫一個阿九嬸仔，這個阿九嬸仔呼，伊專門得做媒人，
啊伊口才成好安爾，共這個阿九嬸仔講，講：「阮玉華呼，較講就毋嫁安爾，
啊你共伊勸解看覓咧安爾。」講，阿九嬸仔講：「好啦！這個予我包辦。」
伊有辦法安呢就著安爾。 有一工這個阿九嬸仔叫玉華去：「玉華！玉華！男當婚，女當嫁！
啊你今也年歲呰濟啊，呼，啊你、阿九嬸仔共你做一個媒人安呢。」
伊麼講：「毋啊！我毋愛嫁！我卜含阮媽媽、爸爸做堆，我人一生含做堆。」安爾。
講：「這使啦！呔會使安呢cit 4？」
伊今也得講予聽：「男當婚，女當嫁，啊生成傳宗接代，啊若嫁彼下昏，較含這個子婿行一個周公之禮安爾。」
「周公之禮？」這個玉華麼莫名奇妙，「啥物叫『周公之禮』？」呼，啊就這個阿九嬸仔共伊教，
講：「啊就周公之禮就是安怎安怎安怎…。」一下講、二下講，講到一下幾偌日的時，講了彼號時，
玉華煞答應啊。答應這個阿九嬸仔，就去共尋，尋一個子婿安爾呼，予二個對相安爾，看了這個玉華有合意。
啊當就做人，做人的時，啊就人就卜娶安爾。 啊這娶的時啊，這對的中年夫妻啊，定定得關心，
想講：「咱這coo 9子，較早直直訂規，訂規毋嫁，啊今也臨時卜嫁，這敢會發生問題？」就著安呢就著啦。
但是啊，這個結婚彼一工啊，這個父母cong 9住厝得真關心就著，
想講：「當，咱的coo 9子安爾，今仔日嫁去啊，啊當毋知會翻軻車啊？毋知會含這個子婿會安爾…？」
叫伊明仔載卜轉去厝，彼個這對的中年夫妻啊，伊就倩一頂烏扇轎，卜來請轉來就著安爾，卜來扛轉來。
這個烏扇轎去，今也這個玉華就坐烏扇轎轉來，轉來到彼門口埕遐，啊這個老父老母看著伊講伊烏扇轎到啊啦，
順續宓彼壁角裏，伊講：「當咱的coo 9子昨昏嫁，啊當毋知伊會發生安怎？
翻軻車，當轉來的時，較卜含你，含你安爾去霧sa 3 sa 3？」安爾。哦～，啊去宓彼個壁角就卜共看呢。
這個烏扇轎這個門掀起來，這個玉華就走出來，
伊手提一塊糖仔，「爸爸！爸爸！媽媽！媽媽！周公佇tue 2啊？我這個糖仔是卜予周公食。
伊周公之禮是足好e 0。」安爾就著啦安爾。哦～，老父老母當歡喜一下當走出來。
|
|
發表於 2015-5-16 10:15:12
