- 註冊時間
- 2016-3-3
- 最後登錄
- 2024-12-23
- 主題
- 查看
- 積分
- 13161
- 閱讀權限
- 200
- 文章
- 6387
- 相冊
- 1
- 日誌
- 17
  
狀態︰
離線 
|
一年一度回天庭的日子將近欲到了，土地公亦要緊準備欲向玉皇大帝，
報告這一年，佇人間所發生的代誌，伊打算欲走遍所有的管區，實地了解民間百姓生活的情形。
有一工，土地公化妝做一個生理人，走佇嵁嵁硞硞的山路頂，炎熱的日頭，曝ㄔ各伊強強欲烏暗暈！
好家在！遇到一個剉柴的少年，土地公趕緊行向前，好禮開喙共伊問：
「請問這位囝仔兄、拜託一甌茶水助我有力通擱行？」少年仔真熱心，指著前面的大樹下，「遐！著有免錢的茶水通好啉。」
土地公來到大樹下，看到一跤大茶鼓，真濟人佇遐歇睏暫停步，
「嗯！清涼止渴，可比是天頂的甘露」他佮每一個悿悿的過路人，啉著茶鼓內的茶，馬上精神百倍，
「這是啥物貨？一碗賣外濟？」土地公好奇例問，過路人笑笑仔回問題，「這是好心的人免費供應的『奉茶』，就是有錢嘛無底買！」。
土地公騎著鐵馬擱四界踅，無論是莊頭亦莊尾，渡船頭或者是小港口，隨時攏有免錢的「奉茶」佇等候。
甚至荒郊野外，只要有過路人的所在，著有免費的「奉茶」通好啉 。
土地公巡視轉來到家已的廟口，看著大樹邊也加囥一跤茶桶，寫著「奉茶」兩大字！過路人啉擱心涼脾土開，雙手合掌笑微微！
感謝供應奉茶的人心地的慈悲。
土地公靈機一動，第二工，準備一桶「奉茶」欲送予玉皇大帝，其他的土地公扎的是高貴的大禮，
因看到咱的土地公手頂的茶鼓，逐家是笑ㄔ各攬腹肚，笑伊是「別人的桌頂夾肉飼大家（婆婆）」，這分明是路邊免錢的奉茶。
玉帝真好奇馬上飲一杯，「嗯！清涼甘甜，可比天頂的甘露水，人間百姓的人情味實在真可貴」即時，
玉皇大帝馬上下玉旨，南天門入口，奉茶趕緊來排起，天頂人間嘛著仝款有人情味。
|
|
發表於 2016-7-8 13:56:00
x 
發表於 2016-7-8 16:36:23
