- 註冊時間
- 2015-1-10
- 最後登錄
- 2024-12-28
- 主題
- 查看
- 積分
- 28434
- 閱讀權限
- 250
- 文章
- 20625
- 相冊
- 8
- 日誌
- 27
 
狀態︰
離線 
|
古早、古早，在內山荒野地，有一間厝，住有一對翁某合二個囝仔，
每日都真搰力得做工趁錢，逐個麼攏平安，過著快樂的日子。
毋過定定麼有老虎精會化妝變虎姑婆，走去四界掠囝仔來食。
所以抵著序大人無佇咧厝，攏會吩咐的囝仔，門窗愛閂予好，毋管是啥物人啊毋通開門。
有一日啊，春嬌、小玲二姐妹仔的序大人，穿著一軀水水的衫仔褲，滿面春風、得意洋洋卜出門。
啊共的囝仔交代：「我共您講，阿爸合阿母卜來去姑婆兜，明仔下晡才會轉來。
您二人乖乖顧厝，到黃昏日頭落山的時啊，門啦、窗仔著閂予伊好，若有人叫門，
絕對毋通共開門啦，愛會記得哦！」呼，啊生做古錐的囝仔講：
「阿爸、阿母，放心啦，免煩惱，阮知影啦。」哦啊老母就講：「知影就好。」
啊老母講了後啊，手捾謝籃越頭頭起步就出門啊。
啊這二個天真活潑，毋知天是偌懸、地是偌厚，歡歡喜喜的囝仔呼，
就佇土腳彳亍一睏仔，二人看著這個日頭啊卜落山囉，就照阿母呼伊的交代，
著趕緊安呢關門啦。了後洗身軀、食了暗飯，二人相招去睏啊、睏仝床。
彼暝月娘光光光，厝外一點仔聲音攏無，外面恬寂寂。
二姐妹仔頭一擺抵著序大人無佇咧厝，一直悶悶不樂，心肝驚到煞睏去。
老虎精，每日啊茫啊、茫茫得過日子仔，卜食毋討趁，歸工閒閒啦，賴賴旋，
就到厝前呼就拍門啊：「開門哦、開門哦！」囝仔恟恟驚一趒，到底啥人得叫門？
敢會是阿母仔透暝趕轉來？奇怪啊，心內懷疑，就問講：「你是啥物人？」
「是我啦，姑婆啦，毋是阿母啦。是真遠、真遠的路來看你，是姑婆仔啦，趕緊開門啦呼？」
這個大姐啊春嬌仔，伊歹是歹啊，毋過啊性質啊較條直啦，就趕緊卜去開門啦；
啊這個小妹仔小玲，雖然啊猶擱細漢，但伊生做較精又巧，想起阿母的交代呼，
共阿姐擋咧講：「慢且，阿母有交代啊，若有人拍門啊，絕對毋通共伊開啦，你敢記得啊無？
無的確伊是虎姑婆啦，呼阿母是卜去姑婆兜hen 0，那會講姑婆呔會顛倒來咱兜啦？共咱講到真清楚啊！」
啊春嬌就講：「啊！有影，無，咱趁這陣仔外面月娘猶光光，咱對窗仔共伊緝看覓咧，看伊是毋是虎姑婆？」
就啊二人就起對窗仔門縫仔共緝一下看覓：「哎──喲！真正是虎姑婆仔，驚死人哦！」
無偌久啊，「碰！碰！碰！」「您二姐妹仔較乖咧，趕緊咧共姑婆開門啦。」
二姐妹仔講：「使開！使開！你毋是阮姑婆仔，你是虎姑婆啦！好佳哉呼，無予您騙去啦，亂使講！」
這個虎姑婆就講：「您哪會知影講我毋是您姑婆啦？」
呼啊這個小玲就講啊：「阮姑婆是城市的人，伊真愛水，有掛這個真珠啦、鍊合鑽石手指；
你亦無，身軀又粗大、又勼腳手，又生做呰爾。」虎姑婆聽了真生氣，擱怨嘆，到尾仔，
伊麼知影講無法度，就離開去啊。 啊這個老虎精啊真會變法術啦，伊就打扮親像呼，
親像合這個姑婆仔仝款的模樣，又擱來囉。「碰！碰！碰！開門啦，我是您姑婆啦！」
二姐妹仔聽著聲音感覺懷疑，敢真正是姑婆？姑婆那會三更半暝安呢咱兜？
春嬌就對小妹仔講：「咱擱起去窗仔縫呼共看覓就知影啊啦。」
哦啊二姐妹仔就擱去窗仔邊彼縫彼共看出去外口，春嬌講：「啊！是啦，是啦，是姑婆無毋著啦！」
呼啊擱聽見著姑婆仔安呢得共催，安呢催到赫爾急安呢，趕緊就走去開門，
啊小妹仔小玲仔想卜共阿姐擋啊，已經傷慢。虎姑婆就講：「乖孫e 0，您阿母仔攏無佇咧是無？」
「阿母講卜去姑婆您兜neh 0，姑婆你那會擱來阮兜」這loo 0春嬌就得問哦，
啊這個虎姑婆假毋知影，就講：「啊我就共您阿母講卜來您兜，那會安呢顛顛倒倒啦？
有講當時會轉來無？」哇春嬌就較條直，就講：「有啦！阿母就講明仔下晡會轉來安呢。」
「安呢好，姑婆真罕呢呼來住遮安呢啦，順續等您阿母仔轉來；姑婆仔下暗行真遠的路啦，
麼實在都真啊，真愛睏啊，足愛睏e 0。」呼啊小玲仔斟酌共看這個姑婆仔，
生做合頂擺的無啥仝款；身軀粗大、腳手的毛擱攏真長呼、啊擱安呢勼勼啦；
啊嘴角亦全波啦，好親像講幾仔日無食物件安呢，愈看愈無成姑婆仔，心內煩惱擱驚，
想卜尋機會啊招大姐仔春嬌逃走安呢啦。但是，成條直的春嬌仔呼，
啊伊一直纒姑婆得sai 1 nai 1啦，啊實在無法度，伊家己啊姑不將，
表面上對虎姑婆好禮仔款待到直周至啊，來減注意力啦保護家己。
虎姑婆愈來愈好款，就講：「今仔暗啥物人呼卜合姑婆睏仝床？」hoon 2！
啊春嬌大聲喝：「我啦！」哦歡歡喜喜路到這個眠床去，哦啊順續共姑婆仔舒被，
彼暝啊就合姑婆仔鬥陣睏啊。這個春嬌仔是睏到甜吻吻啦呼，幹單這個小玲仔歸暝一直睏去啦，
目睭假，其實攏得注意講虎姑婆得做啥物代誌安呢，心內真驚擱安啦，家己安慰啦，時到時當。
到到這個半暝的時陣啦，忽然聽見講khok 8 khok 8叫的聲音啦，毋知影虎姑婆得食啥物啦？
好親像安呢得食著一頓的大腥臊安呢啦。小玲就大膽問講：「姑婆仔，呰爾暗啊你是得食啥物？」
哦啊姑婆聽著就咿咿哦哦講啊：「我腹肚足枵啊啦，得食雞腿啦。 」
小玲講：「我麼卜食，分一點仔予我食好無？」啊虎姑婆越頭就tin 3一枝這個骨頭仔予小玲仔。
小玲提來，一下摸看覓，哎──喲餵啊，是手掌頭仔啦！哦驚到卜死e 0！啊擱共看到真咧，
這，這就是大姐春嬌仔的手嘛！呼啊續落去又擱聽見著「khiang 1」一聲真大聲啊，
一下看，是一支金爍爍的菜刀，啊這個土腳啊四界安呢全是血！哦啊你那會赫狡獪？
這款代誌啊亦做會出來安呢啦？伊成實是虎姑婆仔無毋著啦！ 哦心驚就愈想愈驚！
又擱毋敢出聲。想卜用鐵鎚仔共伊摃死啦，但是伊哦又擱細漢啦、無力啦，麼是無法度！
啊心內就得想啊：「只有趕緊想計策啊偷走，若無就會像合大姐仝款，會予伊掠去食安呢啦。」
啊這個小玲仔生做足水擱真巧，趁這陣虎姑婆得顧得食的時，對眠床就溜落去，哦啊順門邊就卜逃走。
虎姑婆越頭叫一聲：「慢且，你卜去佗位？」啊煞予虎姑婆扭稠咧走離。
啊虎姑婆生氣沖天，毋放伊煞。小玲看著毋是勢面啊，只好認衰啦，用奸臣仔笑，
假sai 1 nai 1就衰求講：「向望姑婆諒情啦，後擺我毋敢啊啦！」呼，「使得！」哦，
虎姑婆就講。虎姑婆起頭毋肯，哦這當陣啊，擱共虎姑婆求情講呼：
「你先生氣啦，我輕輕仔共你講、講予你聽啦，抵仔是想卜合你安呢走相宓，
想卜合你安呢做耍笑的啦，毋是卜逃走啦。」虎姑婆講：「敢有影？呼，乖孫！
呼，毋是卜逃走就好啦。」哇！啊這小玲就講：「有影啦，我共你騙卜創啥？
我橫直會予你掠去食咧。我要求啊姑婆答應啊，答應一項代誌，好無？」安呢啦。
哦啊虎姑婆就講啊：「是啥物代誌？你講。」安呢啦。
小玲就講：「我自細漢，自細漢的時陣，就真愛清氣的人啦，想卜洗身軀，
洗了後啊芳噴噴呼，啊才安呢臭臭moo 1 moo 1，啊予你食敢毋是足讚的呼，擱無te 3尋。」
哦啊虎姑婆就歡喜到，就笑笑仔講，講：「著啦，著啦！安呢好，你真乖，趕緊去趕緊轉來。」
呼啊小玲就慢慢仔虯，虯到去壁邊氣呼，然後到彼灶頭，啊起火準備燒水啦，
心肝內得想啦：「可惡的老虎精，有夠惡質，一定無好尾。我若無共你教示一下，那會用得？」
哇，伊就燒一大桶的燒滾滾的油。哦啊伊燒滾滾的油啊，先捾一寡油呼，就到彼浴間仔呼的土腳啦，
戶碇啦呼，攏共潑潑咧安呢呼，潑這個油安呢啦呼，予伊安呢滑溜溜安呢啦。
哦啊虎姑婆就得想：「咦，奇怪，是安怎呔會去赫久？洗身軀洗赫久安呢猶未倒轉來安呢。
這個死囝仔咧，共我死去佗位？我著來共伊看覓咧安呢。」哦啊就行去到這個浴間的頭前安呢。
小玲看著虎姑婆來啊，真著急啊，哦啊就假卜安呢褪衫仔褲啊，假褪衫仔褲卜洗身軀的模樣啦，
就講啊：「姑婆仔，參詳咧啦，燒水啊真重，共我鬥扛到浴間仔好無？」安呢啦，
虎姑婆就問講：「灶頭是佇佗位啦？」哦啊小玲講：「姑婆仔，你逮我來。 」安呢啦。
啊就鬥扛啊，啊虎姑婆就做頭前a 0，倒退行就著啦，做頭前倒退行安呢啦，一直行到這個浴間仔，
踏入這個戶碇啊，小玲就隨緊咧恟恟就共挵予倒落去安呢，挵一下倒佇土腳去安呢，
啊這個虎姑婆就跋倒去啊毋，呼啊彼浴間內面a 0 暗暝摸啦，虎姑婆捎無貓仔毛啦，
歸身軀啊去予這個燒滾滾的油啊，淋到安呢歸身軀啦，哦啊小玲仔順續就提一支彼棍仔安呢，
啊摃一下爾，哀一聲，啊這個目睭就轉白啊呼，啊煞振動。
到落尾仔虎姑婆仔煞予這個勇敢又乖巧的小玲仔摃死翹翹去啊，
擱變轉來講老虎原來的形體安呢啦。
|
|
發表於 2015-5-14 09:01:55
