獻予手機仔的愛

絕對官僚

獻予手機仔的愛   台語詩

莊嚴的禮堂內

牧師慎重證婚

替一個女人

佮一支手機仔



牧師問女人

上帝見證

妳敢願意宣誓

妳對伊的愛

超越世間上

任何男人？



我願意



妳敢願意

佇未來的路途

互相扶持

互相照顧

佇伊無電的時

替伊充電？



我願意



妳敢願意

一百遍的通話當中

用其中一遍

一百分鐘的交談當中

用其中一分鐘

真誠對待伊

講出真正重要的代誌？



我願意…

我願意盡量



妳敢願意

保持應有的理性

了解無論妳安怎講

講甲外歡喜

講甲外甜蜜

攏袂當改變眼前的事實

伊只是一支手機仔

雖然比多數的男人

較有耐性？



我願意…

我願意盡量



妳敢願意

維護婚姻的神聖

從今起

甲伊白頭偕老

無論遇著啥物困難

聽著任何廣告打折

永遠攏袂變心

愛著新的手機仔？

           陳建成2010/6/2