見 笑 花

絕對官僚

見 笑 花

見笑花，驚見笑
儂甲伊摸一下
伊頭叨盹甲犁犁
越頭偷偷使眼尾

見笑花，驚見笑
只好逐日匿壁角
看著一對一對行過去
無小心
就互儂兮傷害著

見笑花，驚見笑
開花花蕊圓圓圓
祝福逐家大團圓
阮嘛會恬恬心花開
等待恁牽手經過

【註】
盹甲犁犁：垂下來。
使眼尾：斜眼看人的樣子。
逐日匿壁角：每天躲在壁角。
恁牽手：你的妻子。

文出；古雅台語人