一碗羊肉湯

絕對官僚

細漢時辰 若拄到寒人  我就跤手尾冷霜霜
阿母除了燉雞湯佮我補  亦尚愛買咱花壇出名的市仔羊肉于我食
每一擺我若食過羊肉 彼幾工跤手尾就袂閣冰得若枝仔冰 于人摸得會掣

昨前日 阿母又閣捧一碗羊肉來 伊講阿姑對花壇持來
啊~ 就親像安爾 正港的花壇羊肉  我細漢時尚佮意食的
我對阿母真歹勢 伊的手骨猶咧復健 閣再講 哪有人阿母服侍查某囝呢

這碗羊肉食落腹肚幾若工  猶芳置咧心肝頭
彼是阿母的芳 置心肝頭旋來旋去  袂散去的

來源：蘭臺讀書人