擔菜賣蔥 (黃勁連)

草薰風

擔菜賣蔥 (黃勁連)

一枝扁擔,兩跤草籠,為著生活鑽活縫,路邊擔菜賣蔥。

雖然小生理,但亦有淡薄e希望,一日兩日,一工兩工,希望有成功e一工。

有時風冷,有時霜凍,為著阮厝內大小,這枝扁擔毋敢放。

一儂啊一款命,每一儂e途合無相仝。

阮也認命,大街小巷,全精神擔菜賣蔥。

一年兩冬,三年五冬, 希望有成功e一工。

注1:毋敢:唔敢,不敢。