阿媽講古

草薰風

阿媽講古

有一日下晡，阿誠仔唯厝外走入來。
阿誠：阿媽，阿媽，共你問一 問題喔！啥乜叫做娓蝶?我那會攏無聽過咧 ?
阿媽：憨孫，娓蝶著是佇花園內飛來飛去國語講的「蝴蝶」啊！
阿誠：喔~~有夠奇怪的，為什麼「蝴蝶」的台語跡爾無仝？阿媽你敢知影伊是唯佗位〈to2 ue7 / tue2〉來的？
阿媽：喔~~講到你捌，嘴鬚著好扑結咯(loo0)，毋過，阿媽今仔日就先簡單共你稍說一擺，注意聽咯(loo0)！
阿媽：其實，即碼咱咧講的台語著是唯閩南語演變來的。古早，佇西元四世紀的西晉，發生一 永嘉之亂，北方外族逼中原人士往南方來逃難，遮的人佫滯佇即碼大陸的晉江流域彼，慢慢仔， 所講的中原音佮當地人的語音混做伙，著變成上早的閩南語─泉州話，即碼鹿港人說的腔著是古早時的泉州腔。  
阿誠：喔~~原來「鹿港人，講話無相仝」，著是按爾來的。
阿媽：紲(sua3)落來，唐朝時，猶有派一 將軍去平定廣東、福建海賊，後來佇泉州佮潮州之間特別設一漳州郡；到唐朝末年，黃巢作亂時，另一批王氏三兄弟猶是為著平亂來到閩南，迄時，跟 作伙落來的這批人所講的中原語音是十世紀的中原音，佮漳州人做陣久矣，就發展成後來的漳州話，即碼干礁佇宜蘭有保存純正的漳州話。有聽過人咧講「吃飯(puinn7)配滷蛋(luinn7)」無？足有特色乎(hoonn0)。
阿誠：安爾，即碼咱所講的話不是泉州腔也不是漳州腔的閩南語，應該是啥乜呢？
阿媽：著是台灣話啊，因為自從閩南語傳來台灣了後，受著原住民話、日本話、英語等等的影響，已經發展成一套誠古椎的語言。憨孫，咱是台灣人食台灣米，著愛會曉講自己的母語，無會乎人笑你無文化喔！
阿誠：阿媽、阿媽，安爾以後我著卜認真學講台語，多謝阿媽老師。
阿媽：乖孫也，真好，真好