鳳山市閩南語故事--原在會用

丸の小羽

鳳山，古早的，叫做「埤頭」；東爿有一村叫做「埤頂」。

這埤頂有一個人，叫做大欉仔，子，木矩仔，enn 3～，家境un 5 na 2成好。

enn 3～，有一天啊，這個大欉仔卜共這個木通仔娶一個新娘安爾。

所以，揀一個黃道吉日啊，這個木村仔，就卜予娶某啊安爾。 卜娶某彼工啊，彼尾暗仔，

就一個賊仔已經偷入去，宓佇這個號做新娘房，的眠床腳。啊這個彼日，這個彼日的時，

一寡親戚朋友，逐個攏散會了後啊，這個子婿合新娘就想講，得卜洞房安爾啦。

啊這個賊仔就是講，眠床腳宓咧啦，拍算講這二個新婚，新烘爐新茶若睏了後啊，

較來共偷提遮的金銀財寶安爾啦。 可是這個洞房花燭夜彼工啊，這個新娘合這個新郎，

佇這個眠床頂，開始就得卜，呼，歡歡喜喜得卜洞房花燭夜安爾。

可是這個新娘呼，伊幹仔安，坐眠床頂裡，幹仔安啜安啜就著啦。啜，您聽有呼？

啜合哮是無像，啜是安爾啜啜叫安就著安爾啦。

這個子婿問這個新娘：「啊今仔是洞房花燭夜，初婚之夜，人逐個歡歡喜喜，

得卜洞房啊，啊你呔安啜啜叫啊？」這個新娘才講，講：「人卜放尿！」

這子婿講：「啊卜放尿咱的門邊，咱就有尿桶e 0，你去尿桶放。」這個新娘煞思奶咧，

講：「人卜抱！」這個時陣啊，這個賊仔佇眠床腳安爾煞想愛笑，但是笑伊對嘴掩稠 e 0，

伊笑無出聲啦，安爾嘴掩稠li 0，安爾，hoo 2～，安爾足、想足愛笑e 0就著安爾啦，

講：「呔有這個新娘安爾，呰爾思奶講就卜抱安爾。」 今也這個子婿共抱起來，啊毋就放，

這個新娘煞毋放，伊講：「亦無共人sut 8？」sut 8您聽有呼，sut 8就啦，共就著啦。

哦～啊，啊這個子婿講：「啊就卜放尿就放著好，呔著擱？」

伊講：「我佇阮厝內啊，我猶未嫁的時，阮媽媽、我若卜放尿阮媽媽攏共我抱起來，共我我就放安爾。」

哇～，這個子婿講：「啊好nooh 4！你就思奶安爾無共你豈煞會使？」就共伊sut 4～，啊共落啊。

啊這個賊仔佇眠床腳cong 9聽一下煞安爾，擋稠，煞安爾，hoo 2～，安爾迸出來就著啦。

迸出來的時，啊這個子婿講：「哎！擱有賊仔！」啊就手是抱這個新娘li 0，啊一手想講，

對賊仔卜共落去安爾啦，煞無著啦。無著，這個賊仔挵出去的時，啊這個新娘煞嚗對尿桶落去安爾。

哇～，這個子婿逐出去，掠無著，轉來，這個新娘是跋佇尿桶裏，抱起來啊，

續落共洗洗、洗洗咧啊，芳水溴溴咧，擱無歹，原在會用jit 4。