一代娶矮某，三代出矮股。

草薰風

一代娶矮某，三代出矮股。



即句俗語主要咧強調「遺傳基因」的重要性。一個人的成功，有人講「三分天註定，七分靠拍拚」鼓勵的話，其實這是指一個正常的人來講，譬如伊愛有健康的身體、有正常的外表、有一定的頭殼，若無佫(koh4)恰安怎拍拚，恐驚伊的成就嘛有限。

一個人有伊的內才佮(kah4)外表的一面，通常來講，內才的改變受著外來的影響恰大，譬如環境、學習、受教育，無形中聊聊(liau5)著會改變一個人，所以有讀過冊、受過教育的人，一般講起來，互人看著恰斯文、恰有氣質。但是外表，咱著無法度去做恰大的改變，尤其是身懸(koan5)、面貌，咱看著一個囡(gin2)仔，若唔是講成(seng5)老父，著是成老母，無咧講成厝邊隔壁的，因為遺傳(ui5-thoaN5)是袂假咧。所以卜揣(chhoe7)對象，咱愛了解對方的身體狀況，唔通干礁(ka1-na2)講「只要我喜歡，有什麼不可以」，即款對後代無負責任的話。

參即句俗語相關的：

一代大新婦，三代大子孫。
龍生龍囝，虎生豹兒。
迄(hit4)號花結迄號籽，迄號粟(chhek4)生迄號米。
龍生龍，鳳生鳳，隱痀(ku1)生棟戇。
　


〔註〕

矮股：指身材短小者。