鳳山市閩南語故事--豆腐通仔

丸の小羽

我今也擱來講一塊彼個號做「豆腐通仔」的故事啦。 這個以早林園莊潭頭有一個，叫做豆腐通仔啦。

伊的家境呼，真散赤，但是伊合伊這個老母，相依為命啦，就是每日干仔得做豆腐得賣安爾。

有一工啊，這個老母，每日就做豆腐，啊阿通仔就擔出去賣安爾。

但是這莊腳所賣的豆腐un 5 na 2有限啦，這個阿通仔攏擔到對山頂去，去廟寺遐，

有一個師父，每日攏共伊買二塊豆腐安爾。但是這二塊豆腐攏共伊欠咧，共賒咧啊。

賒到有一日啊，已經，這個豆腐通仔，伊這個豆腐愈做愈本錢愈短啦，

老母得講：「啊咱呔會直直無本去安爾啦？」伊才得講，講啊就山頂一位師父啊，

每日攏共伊欠二塊豆腐，啊已經共欠五十塊啊，啊咱若無共討呼，咱會無本錢通擱做豆腐安爾。

有一工，伊un 5 na 2擱豆腐擱擔去，un 5 na 2擱對山地去li 0，才去尋這個師父，

共這個師父講，講：「師父哦！師父哦！啊我予你欠五十塊的豆腐呼，

啊我直直本錢攏無去呀呢，啊你今豆腐錢你毋就還我，抑無我卜安怎做生理，

我無法度通擱做豆腐啊安爾。」這個師父才共伊講，

講：「這個豆腐的錢呼，是你前世欠我的，啊你這世呼，自這個豆腐錢予我抵安爾。」

伊講：「師父啊，呔有這號代誌安爾？我前世欠你，啊前世啥物人欠我？」呼，

這個師父才共講，講：「你若卜知影啥物人前世欠你啊，我共你講，我共你報路。

你明仔載啊，去這個山腳，擱起來，起來的時，遐有一窟毋知林投安爾，幾偌欉林投遐。

啊你林投邊仔遐，彼個林投腳你共宓咧，遐共斟酌，斟酌共宓咧的時啊，

自然就有彼個前世欠你的人，伊的錢會提還你。」哦～啊，

這個豆腐通仔就講：「hm 2～，啊這個師父得講的啊毋知有影抑無影？明仔載共試看覓咧。」

明仔載伊就走彼粒山腳，就共行、行，行到彼個林投遐，伊就、彼個林投腳就，宓住遐。

過一下仔，就有一個少年仔的時，hooh 4，chi 1 chi 1 pong 7 pong 7啊就安爾，手捾一寡錢，

啊就安爾，到彼個林投腳遐就安爾跔落，啊就放屎安爾。

啊伊遮的錢呼，cuan 9仔共吊林投葉仔安爾，林投窟裏。

啊放了呼，煞記li 0伊這個少年e 0 cong 9安爾，啊就大目細目就擱去啊，

去啊就著安爾就著。 啊這個豆腐通仔：「e 5～，啊這個人拍算是前世欠我的哦，抑無呔錢下住遮？」

抵仔遮的錢共提去，hoo 2～啊，就提轉去予老母看，才共老母講，講這個故事，予老母聽安爾，

老母就歡喜甲安呢：「hoo 2～安爾拍算有影，拍算前世欠伊，抑無這個人呔會無代無誌提錢下住林投邊，

予你提轉來安爾。」 啊這個錢拍毋去這個人啊，到半途：「哎～，我的錢擱記li 0提。」

續落擱走倒轉來啊，走倒轉來已經遮的錢無啊啦。啊當就慘啊當，啊無的時啊，

cuan 9仔走去彼間廟宇啊，廟寺，去遐拜拜，啊才問這個師父，這個師父才共伊破解，

講：「你前世欠人就著啦，啊你這世呼，著愛還人就著啦。啊你這世若無還人呼，

你後世就un 5 na 2擱愛還人就著安爾啦。所以你遮的錢呼，無是無去，

已經人、你前世欠彼個人伊共你提去安爾啦，呼，啥人提去我毋共你講啦，

啊但是你呼，你亦無法度通討啊li 0。」 呼，

啊這個號做，有影無影，這個錢安爾，亦無當討，呼。