站 壁

絕對官僚

站 壁

這堵壁,田螺爬過,就有痕.
阮實在真歹勢,
年紀這大,
還來站壁.
但是,後生要洗腎,
厝裡攏無錢,要怎安?
按透早站到下晡,
按下晡站到暗暝,
攏無人來,帶我出去.
有時陣,去找親戚朋友,
連門也不給阮入去,
猶叫我緊緊走,
不通帶來歹運.
有時陣,走過甘仔店,
歸大陣人看到我,
攏戚戚嗾踿講我是
三八查某，昧見笑
年紀這大，
還去站壁。

阮實在真歹勢，
因咁知我也無想要按呢？
阮夫講要牽我的手一世人，
親像燈仔花對庄仔頭牽到
庄仔尾。
不知那會這歹命，
牽未到一半，就跋倒去。

人講,田螺爬過,就有痕.
壁堵這樣高,
阮的身軀這細漢,
探攏探未到,
後生無力氣做工,
也無勞保,
阮只好替伊打拼,
但是,每一日,
阮看到壁頂的影,
孤孤,單單,
就想要流目屎.

文出：古雅台語人