白 翎 鷥

絕對官僚

白 翎 鷥

白翎鷥,直直飛….
細漢時期,
阮上愛站在水牛背脊,
看天頂的雲,飛來飛去,
看囝仔在田畔捉草蜢仔,
拈田嬰,
看稻草人和麻雀閹嘓雞.
有時陣,稻仔破病,
阮就飛落去捉蟲,
農夫看到攏笑咪咪.
大漢了後,
農藥愈來愈厲害,
一些同伴也給伊毒毒死.
阮只好飛到遠遠的海邊,
想不到漁夫討厭阮偷呷,
伊的魚苗,
佈下天羅,地網,
趕盡,殺絕,
不知死多少同伴?
阮實在不了解:
為甚麼同款是人,對待
阮的方式會差這多?
阮只好流浪到都市來,
為啥麼炊煙會這黑?
為啥麼暗暝攏看無
幾粒星?
大大小小的水溝濁又臭,
看也看不到白色的影.
阮實在想無,
親像這款所在,是要安怎生活?
無水牛,無稻草人,
無草蜢,無清溪水,
人,夾在大樓和車陣之間,
咁會快樂?
阮實在不敢閣想下去,
只好在灰矇矇的天頂,
飛來,
飛去.

文出：古雅台語人