踣一倒

絕對官僚

暗頭仔，欲開車轉來時，無張弛，遂來踣(跋)一倒！

置(伫)大路邊無意誤躡著坑坑坎坎的路面，懸跟鞋歪一下
歸個人旋傴落去，左跤跤頭窩與叉叉(槎槎、刺刺？)的點(黕)仔膠搓佮
溜皮流血，險險無法度行到車遐仔！

沿路開車，好佳哉毋免用到左跤，毋過一直感到跤頭窩燒煦煦，
伸未直，心肝頭就安爾結歸丸，轉去厝的路，哪會遮爾遠呢？

等坐落來客廳椅仔，掀起來看才看到跤頭窩毋但流血流滴，
更加與我惴一著的是，腫到親像一支山，圓滾滾、紅絳絳，
破皮兼流血，有影是蓋悽慘的！

想欲哭嘛無目屎，是家己大人大種仔猶會踣倒，欲按怎講呢？
總是今仔日的痛運，痛厄若受過，就平安無代誌矣...

作者: 蘭臺讀書人