春天的風吹

絕對官僚

【台語詩】春天的風吹

春天的風吹
佇心肝內咧飛
伊的笑容微微
親像了解幸福的滋味


想欲互伊真濟愛
對伊的真心像大海
希望一日伊會知


愛，驚互伊傷少

嘛驚互伊傷濟

捏，驚死
放，驚飛
愛伊深，驚伊顛倒犯嫌
愛伊濟，驚伊理所當然
驚伊感覺煩
閣驚顧伊怨
啊，為啥物
愛情變成一種負擔？


付出的過程
若無雙方的意愛
感情的溫度
目一個睨，就降落來


毋通家己一頭燒
對方立場愛顧著
嘜傷遠，亦嘜傷密
嘜傷鬆，亦嘜傷黏
雙方喘喟有空間
單獨思考有時間
即段感情才會通


愛情的限度
見在人調配
捏，驚死
放，驚飛
親像咧放
春天的風吹

文出：海翁台語文學第100期