葡萄酒的種類

永恆者

紅酒(Wine / Red Wine)
採用紅葡萄釀製&釀製過程中將葡萄汁同葡萄本身(果肉+皮+核)一齊浸泡發酵，葡萄酒分幾多種味道只靠葡萄本身既天然味道自然釀造，全程係完全唔會加糖、防腐劑、色素同二氧化硫(SO2)。

玫瑰紅酒(Rose 讀音Ro say)
果皮同果汁發酵到一定程度將果皮剔除之後再繼續發酵，酒色呈粉紅色。

葡萄汽酒(Sparkling Wine)
發酵到一半直接入樽等d酒響酒樽入面繼續發酵，由於酒樽密封發酵所產生既二氧化碳(CO2)留左響樽入面，所以會帶有輕微氣泡。

白葡萄酒 / 白酒 (White Wine)
用紅葡萄白葡萄都可以釀製。但用紅葡萄為原料果陣須先搾汁再將果皮同汁分開，避免釀製出黎既酒會染上紅色。由於白酒無用果皮釀製，所以入樽既時候會加入極少量既二氧化硫(SO2)。

強化酒 / 加烈葡萄酒(Fortified Wine)
發酵到咁上下果陣加入白蘭地(Brandy)死酵母菌，停止發酵過程。呢個方法可以保留大部份果糖，所以製成品又烈又甜。

加味葡萄酒(Aromatized Wine)
用普通葡萄酒(一般會用白酒)做基酒，加藥草或者香料，有時會好似加烈葡萄酒咁加烈酒黎增加酒精度、口味同藥用。