再見阿牛

old2009

佇農業社會的時代，牛佮主人的感情就親像一家伙仔仝款，今也，我就來講一个感動人的故事，予逐家聽。
阿明亻因 兜的牛母生一隻牛仔囝，這隻牛仔囝親像細隻鹿仔仝款，生做活潑古錐，規工跳來跳去，足趣味矣！阿明佮阿公攏足愛伊矣！就共伊號名叫做「阿牛」有閒的時公孫仔兩个人，就會定定去牛稠共看看咧！阿牛若看到亻因  來，就會歡喜甲佇亻因  的身軀邊趡來趡去，阿公就共伊扭來頷頸挲挲咧講：「阿牛實在是一隻古錐的牛仔囝」阿明嘛會共伊的頭摸摸咧講：「阿牛是我的好朋友呢！」 因為阿公佮阿明的疼惜，無偌久，阿牛著捌亻因 矣！
有一工透早，厝--裡來一個阿叔、阿爸託拜彼个阿叔替亻因 共阿牛賣掉。阿明聽到這个代誌，足毋甘矣！心內想：「阿公若知影這樁事誌，一定會共阿爸阻擋矣！」伊趕緊三步做二步，走去阿公咧做穡的山頂，拜託阿公共阿牛留落--來。毋過！阿公煞講：「若無共阿牛賣掉，咱著無錢通好替恁阿姐辦嫁妝了，阿牛賣去，你會較無伴，希望你愛忍耐，好--無？」聽著阿公這个話，阿明含著目屎，頭犁犁無講半句話，心肝親像針佇威--咧！就佇這個時陣，當阿明的目睭看對遠遠的山跤的時，拄仔好看到阿牛予人牽對庄外直直去，看到愈行愈遠的阿牛，阿明的目屎，一滴一滴¡A親像雨水滴袂離。阿公也陪阿明徛佇山頂，目睭金金看阿牛消失為止。
自從牛仔囝離開了後，公孫仔兩人攏毋捌擱再提起阿牛的事誌，好親像亻因 己經想開矣！其實暗中，阿明一直佇咧探聽阿牛的下落。有一工，阿明拄到替亻因 牽牛去賣彼个阿叔，才知影，阿牛是予人賣去隔壁庄阿財伯亻因 兜。知影阿牛的下落，阿明隨拚命一直走，等伊走到阿財伯亻因 兜牛稠的時，阿公己經早伊一步到位矣！其實，阿公嘛佮阿明仝款足思念阿牛矣！
阿牛看到亻因 來，緊走倚來亻因 的身軀邊，歡喜甲 跳來跳去，二蕊圓輾輾的大目睭親像咧對亻因 講：「看著恁來，我足歡喜的呢！」阿明嘛足歡喜對阿公講：「哇！以後咱著會通定定來看阿牛囉！」。