鳳山市閩南語故事--白賊七仔

丸の小羽

我今也講一塊白賊七仔。這個白賊七仔的故事啊，蓋濟人得講啦，但是一個一個講，攏無相像啦。

我得講這個白賊七仔是，有一工這個白賊七仔，去菜市仔，啊經過這個肉砧，一個肉砧的頭家得共叫，

講：「白賊七仔！白賊七仔！咱來講白賊話哦！」白賊七仔講：「無閒啦！今仔日阮孫仔做度晬，

hoo 2～啊，厝就足無閒啦，豈有一個時間通講白賊話。」「哦～您孫仔做度晬哦！卜請請人無啊？」

「有啊！當然有啊！」「啊遮的肉毋買轉去請人客安爾？」 「好啦！安若賣啊？」

伊講：「啊就三斤十。」三斤十就是講，三斤一箍銀就著安爾就著啦。啊秤秤咧煞十二斤，

伊講：「三箍就好啦！」「hoo 7好！三箍，啊你較包包咧hann 5～。我較停呼，我會叫這個廚子來提。

啊你毋通賣別人哦！」hoo 2，這個賣肉的歡喜甲，安爾白賊七仔安爾赤肉共我總買安爾。

伊就赤肉攏包包e 0，白的、精的啦，括皮包包咧，安呢就十二斤啊就共包起來毋，毋擱賣別人啊就著啦。

這個白賊七仔擱直直行、直直行，行來到遮撞著著一個賣、彼個到魚砧。

這魚砧的頭家麼是講：「白賊七仔！來講白賊話哦！」「豈有一個時間！今仔阮孫仔做度晬，足無閒e 0。」

「hoo 3～ ，您做度晬，有卜請人無啊？」「有啊！有啊！」

「啊有，你遮的魚仔毋買轉去煮，買轉去請人客？」「好麼，無你看偌濟，總買麼。」

哦～啊這個賣魚仔當時仔就著無人卜買咧當，這個白賊七仔講伊卜總買，要緊就魚仔就共包，

包起來啊，呼，秤秤咧安爾，伊講：「我較停仔呼，會叫廚子，啊我才提現金予你。

你共包起來，毋通擱賣別人哦！」「啦！啦！賣別人啊啦。」

這個白賊七仔才擱行、擱行，行到遐的時，煞撞著一個賣菜的。

菜架仔賣菜的麼是講：「白賊七仔！來講白賊話哦！」啊白賊七仔麼是變安爾講爾，

伊講：「啊今仔阮孫仔做度晬，豈呔有一個時間通講白賊話呢？」

「啊您孫仔做度晬，有卜請人客無啊？」講：「有啊！」「啊你遮的菜買轉去煮」

「好啦！呼，高麗菜啊，啊蕹菜彼號號做蒜仔攏共你包包咧，攏總買安爾就著啦安爾啦。」

hoo 3～啊，這個賣菜的就一包一包用彼草蓆包，啊就安爾設蓆仔，彼菜攏綑綑啊包包縛縛咧，

啊就，呼，「你毋通賣別人呢，我較停仔會叫廚仔來提。」呼，「我來遐等你。」

這個白賊七仔轉去啊，cuan 9仔走去阿叔仔遐，走去阿嬸仔遐，

共阿嬸講：「阿嬸！阿嬸！阮阿叔呼，去掠蝦仔，啊煞予水漬死，佇遐溪底予水漬死安爾。」

hoo 2啊，這個阿嬸仔聽一下安哭甲，哇～啊哭甲的時，啊就白賊七仔做伊行，

啊這個阿嬸仔cuan 9仔逮伊後壁，就直直哭，直直逐去啊。 今也白賊七仔擱直直行、行、行，

行去阿叔仔定咧去的所在安爾，共阿叔仔講：「阿叔！阿叔！您兜火燒厝，啊一寡厝攏燒燒去啊。」

hoo 2～啊，這個叔仔聽一下cuan 9仔，用撞 e 0就著啦。啊撞，撞來到半中途，

抵仔撞著這個某直直哭，哭到半中途才撞著。啊伊講：「安怎？厝予人燒去啊毋？」

伊講：「無啊！啊你敢是予水漬死？」講：「呔有啊？啊～，予白賊七仔騙去啊。

好好好，夭壽仔好，無這個無報復使安爾。」 啊當這個賣豬肉的、賣菜的、賣魚的，這三個，

到尾暗仔的時，伊亦無來提豬肉，亦無來提魚，啊亦無來提菜，這肉攏臭去啦，魚仔亦臭去啦，

啊這個菜是攏蔫脯脯啦。hoo 2～，這三個就得講：「來，來去報冤。」 這三個啊，

啊合阿叔仔咱四個，咱就對這個白賊七仔共捎起來就著啦。捎起來講用一腳彼大腳布袋，

布袋頭四個角，縛四條索仔，啊白賊七仔共掠落布袋，安爾共吊起li 0樹仔頂去，予遐就著安爾啦。

啊白賊七仔佇樹仔頂安爾一暝啊，住遐ua 7卜寒死啊，亦當落來，亦無通食安爾啦。

啊住遐哼的時啊，啊抵仔撞著，有一個飼鴨仔e 0，這個飼鴨仔是隱痀啦。

啊這個隱痀飼鴨仔e 0，安呢趕一陣鴨仔安呢，對遐來的時，啊這個白賊七仔看著講：

「哎～！有機會啦！」伊就直直唸啦講：「七啊七，來遮，隱痀e 0伊就直。七啊七，

來遮，隱痀e 0伊就直。」安爾。啊這個隱痀e 0講：「曷有彼號代誌？隱痀e 0，邊仔遐，

啊就會直，啊我麼是卜來安爾。」啊伊講：「卜安若啊？」伊講：「你用無要緊。

遐有索仔你共縋落來，啊縋落來的時呼，才換你起來予你安爾，啊我才共你縋去安爾。」

hoo 2，這個飼鴨仔e 0歡喜甲，講：「安爾有影就著！」今也換伊，這個隱痀e 0 cuan 9仔縋落，

當布袋就倒落，啊今也七仔就共縋去li 0安爾。 縋去li 0 了後啊，遮的鴨仔煞予白賊七仔趕轉去賣啊就著啦。

趕轉去賣的時，白賊七仔煞變好額人，哇～，啊這個賣鴨仔e 0，煞遐哀哀叫啊，哀幾偌暝日，

哀到路尾才人共放落來啊。人共放落來的時，這鴨就已經予伊白賊七仔賣了去啊。