網戀70才開始

李洪元

網戀70才開始

我今年68歲，退伍從台南搬來高雄駛計程車，已經四十餘冬。我偕前某離婚足久，彼一當時，阮後生猶擱咧讀小學，誰知伊今嘛已經娶某。伊佇南科呷頭路，做啥我不知影，有一冬舊曆年，我敲電話欲找伊呷飯，伊講伊愛上班，無閒。伊無閒，我駛車亦無閒，過年駛車擱有加成，父子平常時罕得見面。有一擺，我佇夢時代這排班，一個少年郎按捷運站鑽出來，喊我阿公，我驚一跳，才知阮孫生得這呢大漢，行在路上都不相識了。

阮後生叫我搬去台南，台南路我不熟，搬回去不知道要衝啥。我一個人佇高雄駛車，1天賺800、1,000，日子過得逍遊自在。

足久之前，阮後生鼓勵我用平板，講老大人多用3C較袂老人癡呆。伊講伊欲按台南下來教我，我想等伊下來，已經袂赴飼啊，家己找通訊行卡快。內底欸少年郎不管是FB、抑是LINE，帳號、密碼攏幫我喬好 ，螢幕一粒紅紅欸（Chrome）按下去，對平板喊一聲「日本A片」，日本姑娘燒幹的影片攏總跳出來。

我用平板下載A片，載滿啊，跑不動啊，就換1台新欸，至今換過7、8台。我攏看免錢欸，看到要輸入信用卡號碼就莫睬伊。偕我作夥排班的運將教我玩Tango交友，講上面足多越南欸、菲律賓欸姑娘啊，相招約出來作夥去吃火鍋，駛車去車城、澄清湖玩。我有平板、手機陪伴就不孤單。

今嘛我亦會曉用FB，找高雄欸外勞，看上去順眼的，就偕伊講話。怎麼溝通喔？伊寫一句英文，你就按右鍵複製貼上到翻譯軟體，電腦就會偕你講，伊講「你好」，你寫中文，翻譯成英文貼回去，一個字、一個字，慢慢搬，慢慢翻。

我認識一個菲律賓欸，伊四十餘歲，抵高雄做看護，照顧一個老阿婆，阮二人一句來一句去，今嘛亦作夥2年多，應該算固定了。本來同時偕很多人鬥陣，亦有越南欸，但是你跟其他姑娘佇網路啊LINE來LINE去，伊雖然袂曉中文，但看到手機上別的查某照片，伊會問。伊若知影你偕別人勾勾纏，伊就不會跟你作夥了。越南欸卡重視金錢，菲律賓欸會幫你打掃家裡，洗衫褲疊衫褲。

伊叫什麼？我開伊欸FB乎你看，這張我偕伊佇眠床上，恁莫拍，伊欸英文名我也袂曉唸，我都叫伊「老婆」，伊攏叫我「老公」，阮後生來高雄找我呷飯，我也會帶伊去。會不會被詐騙？有錢人才會被詐騙，阮這款散赤人怎麼被騙？1、20萬，你要我拿出來，我沒啦，但是塞個3,000、5,000，抑是買手機乎伊當禮物，這小條錢我有，算兩個出外人佇高雄互相安慰啦。

本來英文字是伊識我，我不識伊，計程車車牌數字我看有，ABC攏看嘸，不過偕伊作夥，呷到欲70歲，我嘛知影「Salamat」是菲律賓話的「謝謝」，今嘛亦知影「I love you」是「我愛妳」。

阿土伯，68歲，高雄市，計程車司機