行到厝大埕，互恁一家有出名(傳統唸謠)

水漾甜心

行到厝大埕，互恁一家有出名(傳統唸謠)


行到厝大埕，互恁一家有出名。
行到厝大廳，互恁一家有名聲。
大門開開開，互恁錢銀規大堆。
茶杯圓圓圓，互恁富貴萬萬年。
茶杯深深深，互恁翁某會共心。
茶杯囥桌角，互恁田園相紲學。
茶杯捧正正，互恁會得眾人疼。
茶杯捧懸懸，互恁囝孫中狀元。
茶杯捧下下，互恁趁錢無底下。
茶杯捧過來，互恁逐家大發財。
茶杯捧過去，互恁逐家有福氣。
茶米飲落喉，互恁逐家會出頭。
茶米飲一喙，互恁榮華兼富貴。
取自：民間流傳